Tĭng ƀư bôk nău kan mâp cử tri bah năp  rơh hop tâl 8, Quốc hội khoá 15, kêng măng 17/10, Tổng Bí thư, Kruanh dak Tô Lâm hŏ mâp cử tri nkuâl Văn Giang, n’gor Hưng Yên. Âk mpưm cử tri nkuâl Văn Giang, n’gor Hưng Yên mpơl nău rnê âk pah kan njrăng n’gang sa khâm – tih djơh bah Đảng, Ngih dak tâm bah ri aơ nơh. pah kan njrăng n’gang sa khâm – tih djơh rgop nking nchăng, ntrôl rŭch sa khâm-  tih djơh, rdâk n’hao tay nău nsing nơm bah ƀon lan đah Đảng, Ngih dak.

Ta rơh mâp, Tổng Bí thư, Kruanh dak Tô Lâm an gĭt mbra rgum rđău đă nkra bah ăp rêng kan hôm rbăn lhơ, ăp nău kan dôl ƀư ruih n’hanh rđău đă nkra bah ăp mpăng đêt jêr jŏt,  kŏ kol tâm ăp rêng nkra nău tih sa khâm kơt uănh năl di drăp ndơ, rnoh khlay drăp ndơ, tâm kơl tư pháp ƀoi nhŭp, nsĭk nhŭp tay nuĭh nchuăt krap, sŏk mplơ̆ tay drăp ndơ. Tâl bar đŏng lah mbra rđău đă tay ntrôl dăng rdâk njêng n’hanh lôch jêh ăp kôp trong tĭng gay njrăng, n’gang sa khâm tih djơh. Tâl pe lah mbra rgum rđău đă ăp kôp nsĭt geh nău tam lơn đŏng, pah kan hăn ôp uănh, groi nđôi, kơp nđăp.