Ôi 10/1, Tổng Bí thư Nguyễn Phú Trọng leo mpôl pah kan Trung ương tât khâl, pah kan n'hanh mbah rhơn tết Đảng bộ, n'gâng kan n'hanh ƀon lan Thái Nguyên. Lôch rnôk khâl pă nklâm ndơ Tết rnăk kruanh cách mạng ơm Nguyễn Trung Lựu (ta phường Ba Hàng, nkual ƀon têh Phổ Yên), Tổng Bí thư n'hanh Mpôl pah kan hŏ tât khâl Hợp tác xã chè Hảo Đạt, xã Tân Cương, nkual ƀon têh Thái Nguyên.  

Lah ta rơh pah kan đah Ban Thường vụ Tỉnh uỷ Thái Nguyên, Tổng Bí thư Nguyễn Phú Trọng lah rjăp, lah n'gor geh ntŭk gŭ dŭt khlay, lah n'gor geh âk nău way ơm rŏng dak n'hanh cách mạng, ntŭk mât ndray rnoh khlay văn hoá săk ntơr êng bah ƀon lan ăp rnoi mpôl đê̆. Tổng Bí thư Nguyễn Phú Trọng dăn đă, Đảng bộ n'gor Thái Nguyên ân gĭt êng jru hvi lơn mpeh nô nău n'hanh nău jêr jŏt nsum; ntrŏng kloh nău săk geh, dơh uĕh bah n'gor gay ntơm bah nê n'gluh rnoh tât, sơch nău kan rgum tơm n'hanh rêng kan đăt ndal gay rgum rđău đă, njêng jâng chuat mhe, dăng lơn tâm hun hao wăng sa- rêh jêng kon nuĭh.

VOV/Nuĭh rblang: Điểu Thân