Măng 1/11, Tổng Bí thư Nguyễn Phú Trọng n’hanh Mpôl đại biểu gưl prêh Việt Nam lĕ sĭt tât Hà Nội, lôch uĕh rơh hăn khâl na nê̆ dak CHND Trung Hoa tĭng nău jă bah Tổng Bí thư, Kruanh dak Tập Cận Bình.

Kruanh Đảng, Ngih dak hăn tach ndeh păr wơt Tổng Bí Thư.

Tâm nar khâl, Tổng Bí thư Nguyễn Phú Trọng lĕ rgum nchră đah Tổng Bí thư, Kruanh dak Tập Cận Bình, rgum nchră Thủ tướng Lý Khắc Cường, rgum nchră đah Kruanh Quốc hội Trung Quốc Lật Chiến Thư n’hanh Kruanh Chính Hiệp Uông Dương. Tâm rơh khâl, 2 ding lĕ ký ton 13 văn kiện kan ndrel ta ăp ntil; an mbơh nsum Việt Nam-Trung Quốc geh 13 điểm.

Tổng Bí thư Nguyễn Phú Trọng.

Mĭn lah, rơh khâl na nê̆ Trung Quốc bah Tổng Bí thư Nguyễn Phú Trọng lĕ lôch uĕh rơh khâl, rgop dŭt n’hâm tâm nău mât tâm rnglăp, dăch dêh way ơm Việt Nam-Trung Quốc, ntrôl dăng n’hanh ƀư jru lơn nău tâm boh kan ndrel lĕ rngôch Việt Nam-Trung Quốc tâm rơh mhe, ntrôl tâm rnglăp, đăp mpăn n’hanh hun hao uĕh lăng bah nkual n’hanh lam ntŭr neh.