Ôi 3/1, lĕ ƀư rƀŭn nchră trực tuyến bah Chính phủ đah ăp ntŭk n’glôch jêh trong kan năm 2022 n’hanh mbơh ƀư n’glôn jêh bah Trung ương, Nghị quyết bah Quốc hội khóa 15 mpeh trong nchrăp hun hao wăng sa rêh jêng năm 2023. Ntoh ngơi ta rƀŭn nchră, Tổng Bí thư Nguyễn Phú Trọng nkoch kloh, Chính phủ n’hanh ăp n’gâng kân nău kan ƀon lan an uănh khlay jêh trong ƀư, nkra rgâl ntŭk ntô ntuh kơl tăch rgâl, rgŏ jă n’hanh dŏng geh săk rnglăy ăp tơm prăk, ndăn ăp an rdâk hao, hun hao wăng sa-rêh jêng ngăch n’hanh nâp nâl.

Tổng Bí thư Nguyễn Phú Trọng uănh lah năm 2022 Chính phủ lĕ nsrôih geh âk săk rnglăy n’hanh tâm ban lơn năm 2021 di kơt nău ŭch bah Tổng Bí thư tâm nău ntoh ngơi ntĭm rđău ta rƀŭn nchră năm e. Ntoh lư lah wăng sa dak he hôm e hao jêng ngăch, geh 8,02%, âk lơn nkôp đah trong nchrăp 6-6,5%,m rnoh âk nkôp đah ăp dak tâm nkual n’hanh lam ntŭr neh. Tổng bí thư Nguyễn Phú Trong lah rjăp tay 5 nău geh trong nchrŏng gay rƀŭn nchră tâm rgâl, tâm nĕ chính phủ an ŭch khlay nâp nâl, n’hao jâng wăng sa têh, uănh nđôi ntoh hao mhe, n’hao soan tâm dak n’hanh nchrăp lor bah jâng wăng sa.