Nar 12/1, Tổng Bí thư Nguyễn Phú Trọng ƀư tơm rơh hop Ƀan  rđău đă Trung ương mpeh pah kan njrăng, n'gang sa khâm, tih djơh. Ƀan rđău đă ŭanh năl tâm năm 2022 ăp nhih pah kan ƀư lah phong nău tih Trung ương hŏ rlăch ndăng, ban saơ, lah phong mhe âk nău tih sa khâm têh, dŭt jru ndâp jêr.

Tổng Bí thư Nguyễn Phú Trọng dăn đă, tâm let năp tay ăp nhih pah kan dơi kan tâm rgop jôn rbăn, rdâk njêng âk trong kan nchâp đă, trong kơl, nău way kan gay mô dơi, mô nănh, mô ŭch, mô kâp sa khâm, der bah klach nău dơn kan, klach tih, mô nănh ƀư. Tổng Bí thư Nguyễn Phú Trọng nchŏng kloh đŏng, ân geh trong ƀư mha êng, cán bộ mât bôk kan ăp gưl lơn ma kan têh, lơn ma leo lor trong kloh uĕh. Ăp nuĭh kan tâm Ƀan rđău đă Trung ương njrăng, n'gang sa khâm, tih djơh ân lĕ lor bôk năp tâm trong pah kan njrăng, n'gang sa khâm, tih djơh.

VOV/Nuĭh rblang: Điểu Thân