Nthoi tay rơh khâl na nê̆ Trung Quốc, ôi nar 1/11, Tổng Bí thư Nguyễn Phú Trọng lĕ rgum nchră đah Thủ tướng Quốc vụ viện Trung Quốc Lý Khắc Cường. Tổng Bí thư Nguyễn Phú Trọng an lah, Việt Nam n’hanh Trung Quốc lah 2 dak oh nô dăch dêh, geh nău way ơm bah jŏ, geh âk nău tâm ban mpeh trong chính trị n’hanh trong hun hao. 2 Đảng, 2 dak n’hanh nuĭh ƀon lan 2 dak lĕ an nău kơl, kơl khlay tâm rnôk njrăng n’gang sŏk đăp mpăn rnoi mpôl bah năp đaơ n’hanh nău kan ndâk njêng chủ nghĩa xã hội nar aơ. Việt Nam dŭt n’hâm uănh khlay n’hanh kơl lor bôk năp hun hao tâm boh đah Trung Quốc; bah năp bah kơi kơt ngoăy, mât nău kơl “du dak Trung Quốc”.

Ntŭk rgum nchră-Tổng Bí thư Nguyễn Phú Trọng rgum nchră đah Thủ tướng Quốc vụ Trung Quốc.

Ta rơh rgum nchră, 2 ding nkoch nău răm bah năp nău hun hao dŭt n’hâm, uĕh lăng tâm boh 2 đảng, 2 dak tâm năm bah năp. 2 ding tâm ban ŭch tâm lvang hun hao mhe bah 2 Đảng, 2 dak n’hanh tâm rnôk lam ntŭr neh aƀaơ, an n’hao kan ndrel ta lĕ rngôch ăp nău kan, mât uĕh ƀa ƀơ tâm rgâl, tâm mâp gưl prêh, n’hao nsing nơm chính trị, rdâk nkra hun hao; ntrôl dăng kan ndrel tăch rgâl, ntuh kơl, geh drăp ndp, n’hâm soan an hun hao bah tâm boh 2 dak; tâm rgop ndơ̆ geh prăk tăch rgâl ăp ding hao jêng đăp mpăn, nâp nâl.