Wa Say Chhum nkoch răm rhơn hăn khâl Việt Nam tâm năm Dăch dêh Việt Nam-Campuchia, lah uĕh Tổng Bí thư Nguyễn Phú Trọng lĕ wơt n’hanh an Rmôt kan ăp nău rŏng ngăn. Wa mĭn lah, Campuchia mbra ndrel đah Việt Nam mât njrăng, rgum uănh n’hanh nkoch tay an ăp rơh bah kơi nău tâm boh uĕh aơ kơt nău tâm boh đah 3 Đảng, 3 dak Campuchia-Việt Nam-Lào.

Tổng Bí thư Nguyễn Phú Trọng wơt kruanh Thượng viện dak Campuchia Say Chhum

Wa Say Chhum lĕ mbơh tât đah Tổng Bí thư Nguyễn Phú Trọng mpeh săk rnglăy rơh rgum nchră đah Kruanh Quốc hội Vương Đình Huệ, nu nău Campuchia dăch aơ. Tổng Bí thư Nguyễn Phú Trọng uănh lah prêh nău khlay n’hanh jêh rơh hăn khâl bah wa Say Chhum, mĭn lah nău tâm boh đah 2 dak kơt đah 3 dak Việt Nam-Lào-Campuchia rgop khlay kơl ăp dak hun hao uĕh lăng, nuĭh ƀon lan geh nău rêh uĕh hơm răm. Wa Tổng Bí thư tâm nchră mpeh ăp trong têh gay ntrôl tâm boh 2 dak tâm năm tât, lơn lah ăp trong mâp gưl prêh đah 2 Đảng, Chính phủ, Quốc hội n’gâng kan, nsum mpôl, ƀon lan n’hanh ntĭm nti, nkoch tay an rơh druh ndăm mpeh nău way ơm tâm boh Việt Nam-Campuchia.