Lơ 23/10, ta ntŭk kan Trung ương Đảng, Bộ Chính trị, Rnâng kan Ban Bí thư ƀư rơh rƀŭn lam dak ƀư nau tâm rgop trực tuyến đah nau ntrŭnh ndrel leo ƀư nau ntrŭnh mrô 24 bah Bộ Chính trị gưl 13 mpeh nau kan hun hao văng sa, rêh jêng, đăp mpăn neh dak tâm nkuăl Đông Nam bộ tât năm 2030 ndrel rƀŏng tât năm 2045. Tổng Bí thư Nguyễn Phú Trọng ƀư tơm ndrel geh nau ntoh nau ngơi rđau đă khlay tâm rơh rƀŭn. Nkuăl Đông Nam bộ geh Nkuăl ƀon têh Hồ Chí Minh ndrel 5 n’gor tâm Trung ương: Tây Ninh, Bình Phước, Bình Dương, Đồng Nai, Bà Rịa Vũng Tàu. Lah nkuăl geh nau dơi, nau kan khlay ngăn tâm nau hun hao văng sa, rêh jêng, đăp mpăn neh dak, rnă njrăng ndrel tâm nchră đah dak ba dih bah neh dak. Ntoh nau tâm nar rƀŭn nchră.

 Tổng Bí thư Nguyễn Phú Trọng rnơm lah: Gưl uỷ, n’gâng kan ndrel ƀon lan ăp n’gor tâm nkuăl Đông Nam Bộ ngăn lah mra ƀư ueh rjăp lơn tay nau rgâl mhe, nau vay ơm cách mạng, nau jănh dăng mra ƀư ueh rjăp lơn tay ăp nau tă blau mhe bah nau rgâl mhe, nau vay ơm cách mạng, nau janh dăng ueh lăng ndrel nau ueh prêh ơm khlay, nau tâm boh tâm dăch bah kon nŭih miền Đông, ndrel đah ăp N’gâng kan, ntŭk kan Trung ương ndrel gưl uỷ, n’gâng kan ăp gưl tâm lam dak, nsôih rjăp lơn tay, nsôih ƀư geh nau dơi nau ntrŭnh bah Bộ Chính trị rơh aơ, njêng nau mhe, geh nau rgâl dơi ueh tâm nau hun hao văng sa, rêh jêng ndrel đăp mpăn neh dak, rnă njrăng bah nkuăl Đông Nam bộ./.

VOV/Nŭih rblang: H’Thi