Ôi 18/11, nkhêp nkah ndray 42 năm Nar nai ntĭm nti Việt Nam, GS-TS Tô Lâm, Tổng Bí thư Ban Chấp hành Trung ương Đảng hŏ ƀư tơm rơh mâp măt ntơh măt ăp nai ntĭm nti, cán bộ mât bôk kan ntĭm nti. Tổng Bí thư lah rjăp, tâm du njăr trong cách mạng, Đảng, Ngih dak he way lah rjăp ntĭm n’hanh nti lah trong kan an ƀư lor bah neh dak, lah trong chrat ang bah rnoi nuĭh.

Aƀaơ, tâm rơh rgâl mhe neh dak, rgâl mhe ntĭm nti dơi Đảng rgum rđău đă n’hanh geh âk nău dơi uĕh đŏng. Tổng Bí thư dăn đă, ân ƀư trong nkra bah lĕ mô gĭt rplay siƀŭt, lơn lah ta nkual jru, nkual ngai, tâm ƀon  lan rnoi mpôl đê̆; rgum ra uănh tay, nkra bah nău  mô tŏng nhih nti, mô tŏng jrô nti ta du đêt nkual ƀon têh têh, nkual công nghiệp; ƀư nâp uĕh nhih nti, jrô nti, nkre đah đăp mpăn geh ntŭk gŭ bah nai ntĭm nti ta nkual jru, nkual ngai, nkual ƀon lan rnoi mpôl đê̆; Đăp mpăn ngân sách ngih dak trok an nău kan ntĭm nti dŭt đêt 20% tâm lĕ rngôch rnoh dŏng prăk ngân sách ngih dak tĭng di Nghị quyết ma Đảng hŏ ndơ̆ luh.