Kêng măng 6/3, ta Hà Nội, Tổng Bí thư Tô Lâm hŏ wơt Thủ tướng dak Cộng hòa Kyrgyzstan, Adylbek Kasimalyev, khâp geh hăn khâl ngăn Việt Nam.

Ta rơh wơt Tổng Bí thư Tô Lâm lah rjăp Việt Nam way uănh khlay tâm boh tâm rnglăp đah Kyrgyzstan. Tổng Bí thư uănh  năl lah, rlău 3 rach năm, tâm boh chính trị- tâm boh tâm brê nar lơn ma dơi rdâk nâp, tâm boh wăng sa – tăch rgâl đah bar dak hŏ geh ăp njuat hun hao uĕh, yơn lah, hôm âk ntŭk soih mô hŏ dơi  mât dŏng n’hanh ntik n’hao, ŭch rŏng n’hao dăng lơn đŏng tâm boh bar ding ta lĕ rngôch ăp trong kan nsing ta ăp nău tâm ton đah bar ding ndăn dŏng geh nău tam ăp dơh uĕh ma Hiệp định dah rŏng tăch rgâl đah Việt Nam n’hanh Liên minh Kinh tế Á – Âu; bar dak mbra ntik n’hao nău khlay kan buăt nthoi nkual Trung Á n’hanh ASEAN. Tâm let năp tay, bar kruanh rđău kan tâm ban ŭch an lah, bar dak geh âk tơm ndơ gay ntrŭt ntrôl tâm boh bar ding nsing ta nău tâm ban geh; lah rjăp ân ntrôl dăng tâm mâp gưl têh, ta lĕ rngôch ăp trong tâm boh bar ding n’hanh âk ding, Đảng, Quốc hội gay n’hao dăng tâm nsing nơm chính trị; ntrŭt ntrôl njêng trong n’glăp tâm boh đah ăp bộ, ăp n’gâng kan, ăp n’gor.