Nău leo ƀư mât uănh, mbơh tơih Chỉ thị bâh N’gâng kan Chính trị n’hanh ăp ntil săm ƀŭt ntrŭnh mbơh bâh Trung ương n’hanh trong kan mbơh tơih nău ntrŭnh ntuh kơl nău nchrăp ƀư điện hạt nhân Ninh Thuận tâm ba năp nơh. Nglôch lôch rơh pah kan Tổng Bí thư Tô Lâm lah na nê̆ nuĭh ƀon lan Ninh Thuận n’hanh ăp ntŭk dăch meng mbơh, ntêm lĕ rnoh kan mpeh neh ntu, drăp ndơ gay ma hun hao nău nchrăp ƀư ŭnh nar kơl an nău hun hao an lam dak, klâp lah mbra geh pă njêng tay, dơn nău kơl kan an geh tâm di bâh nău hun hao. Đảng n’hanh ngih dak mbra mât đăp mpăn geh săch nău ăp nău kan công nghệ hạt nhân ueh ngăn, ntĭm nti nuĭh mât nău kan an ueh gay ma mât đăp mpăn leo kan n’hanh săk rnglăy bâh nău geh nchrăp ƀư ŭnh nar aơ bâh ngih dak, mô dơn rơh aƀaơ ma an ăp rơh kon sau ba kơi đŏng.