Tâm nău kahgĭt khlăy, rngot klâng, Tổng Bí thư Tô Lâm lĕ mpoh su nhang, kahgĭt tât Kruanh Hồ Chí Minh- nuĭh leo kan têh kuăng bâh mpôl rnoi Việt Nam. Tổng Bí thư Tô Lâm rhơn rnê nchih nău mĭn nơm: “Tât ta aơ, mpôl he lơ ma gĭt vât lơn mơh lơh Kruanh Hồ Chí Minh mô dơn lah nău ryơk rnê bâh mpôl rnoi Việt Nam ma hôm nha geh lam ntur neh mât uănh ryơk rnê, . Sĭt ta aơ, mpôl he kơt lah geh sĭt ta jay nơm, dăch bên, dêh rmên, geh âk nău rŏng n’hanh saơ Wa hôm nha ta aơ đŏng”. Tâm ngơi dăch bên đah cán bộ nuĭh kan ta nkual di tích, Tổng Bí thư mpơl nău rhơn geh tât khâl ta ntuk Wa tă gŭ n’hanh pah kan rnôk hôm nha rêh saơ lah dŭt ueh dŭt dăch bên, ăp ntil ndơ wa dŏng dŭt hôm ueh kơt ơm dăch bên đah nău rêh, mpơl nău mĭn khlăy rup ntoh ang bâh du hê nuĭh leo kan têh. Rnê prêh nău kan cán bộ nuĭh kan ta nkual di tích dŭt geh nău kan khlăy tâm nău mât rbăy n’hanh n’hao ăp nău khlăy ntil ndơ ta nkual di tích kơl an âk năch ta lam ntur neh n’hanh tâm dak rnôk tât khâl way geh nău mĭn hôm nha geh Wa Hồ gŭ ndrel đah he”.