Nar 12/5, tâm rnôk hăn khâl gưl Ngih dak tât Cộng hoà Belarus, ta thủ đô Minsk, Tổng Bí thư Tô Lâm hŏ geh rơh ôp srĭng nău Thủ tướng Belarus Aleksandr Turchin. Tổng Bí thư Tô Lâm n’hanh Thủ tướng Aleksandr Turchin tâm ban ŭch tâm boh bar dak bah năp trong dơh soih mhe, năl lah bar dak ân ntik n’hao dăng jâng nsing way ơm gay pơk hvi tâm boh ngăn ngăn, geh nău tam. 

Bar ding mbra rdâk njêng du bôk nău kan gay an ƀư tâm boh têh jong mhe dơi n’hao têh, n’hao âk tơ̆ tâm khâl mpôl kan gưl têh n’hanh ăp gưl, ntrŭt ntrôl tâm boh wăng sa, tăch rgâl tâm di đah tâm boh têh jong, n’hao dăng tâm boh công nghiệp, tâm nê geh ƀư njêng ndeh ô tô n’hanh máy kéo, tâm boh khoa học - công nghệ, ntĭm- nti, văn hóa, pâl nđaih, tâm nđŭr ƀon lan, n’hao âk rơh tâm nđŭr rơh kơn druh ndăm gay mât ndray, nđơn tay nău way ơm tâm boh tâm rnglăp, tâm boh way ơm. Tâm ôp mpeh ăp nkô̆ nău tâm nkual n’hanh lam ntŭr neh ndrel uănh khlay, bar ding lah rjăp mbra tâm boh tay lhăt ta ăp rơh rgum nchră tâm nkual n’hanh lam ntŭr neh, ndrel n’grŏ tĭng ăp nău way tơm bah luật pháp dak bah dih, rgop uĕh an nău bah tâm lơh tâm su, đăp mpăn, tâm boh n’hanh hun hao ta nkual n’hanh lam ntŭr neh.