Kêng măng (18/11) ta Nhih pah kan Trung ương Đảng, Tổng Bí thư Tô Lâm ƀư tơm rơh pah kan đah Ban Dân vận Trung ương mpeh nô nău tĭng ƀư nău dơn kan nău dơi pah kan rgŏ jă bah bôk năm kan Đại hội 13 bah Đảng tât aƀaơ n’hanh nău dơn kan ntơm bah aơ tât Đại hội 14 bah Đảng. N’glôch jêh rơh pah kan, Tổng Bí thư Tô Lâm rnê ăp nău dơi ntoh lư ma Ban Dân vận Trung ương hŏ dơi geh ntơm bah bôk năm kan tât aƀaơ, nkre nkoch kloh, dŭt tâm ban gân bah ăp rơh rgŏ jă njêng ntŭk nsing nuih n’hâm ƀon lan nâp dăng.

 Tổng Bí thư dăn đă let năp tay tâm ban ŭch mpeh nău khlay mha êng n’hanh đă rgâl dăng pah kan rgŏ jă têh tâm ban nău dơn  kan tâm rơh cách mạng mhe gay rgum suan dăng bah ƀon lan, ndơ̆ neh dak nâp jâng chuat lăp tâm rơh hun hao mhe, rơh hung jong săk bah rnoi nuĭh đah nău ŭch tât dŭt têh lah pah kan rgŏ jă tâm rơh mhe yor ƀon lan nsĭt tay nău geh ngăn ngăn an ƀon lan, nkra nău ŭch geh, nău mpŏng geh tâm di bah ƀon lan, nsĭt nău geh tâm di bah ƀon lan lor bôk năp, lor bôk năp, nău uănh khlay, ntik n’hao nău dơi ƀư tơm bah ƀon lan, nsrôih krêp dêh đah Đảng, Ngih dak n’hanh ƀon lan.