Ôi ntri, 9/12, ta Hà Nội, Tổng Bí thư Tô Lâm ƀư tơm rơh pah kan đah Ban Kinh tế Trung ương mpeh lôch jêh tĭng ƀư nău dơn kan năm kan Đại hội 13 bah Đảng tât aƀaơ.

 Ta rơh pah kan, Tổng Bí thư Tô Lâm lah rjăp nău khlay kan bah Ban Kinh tế Trung ương lah nhih pah kan nsŏng kơl têh jong bah Đảng tâm nău tor luh ăp gung trong bah Đảng tâm rnôk hun hao wăng sa rêh jêng kon nuĭh bah neh dak, lah rjăp mpeh geh ma nău plơ̆ rŭch n’hanh sơng tih trong rnôk hun hao mpeh wăng sa mô gĭt moh rnôk tât, jêng Ban Kinh tế Trung ương ân rgum gŭ mĭn nsŏng kơl mpeh gung trong rƀŏng hun hao wăng sa rêh jêng kon nuĭh an Đảng n’hanh Ngih dak tâm let năp tay. Tổng Bí thư dăn đă Ban kinh tế TW ân lor nchrăp, djăt ma uănh nđan lor jong ngai, lor nchrăp nsŏng kơl, dăn đă ăp trong nkra gay rđău đă mât bôk  kan neh dak hun hao đăp mpăn jŏ jong let năp tay.