Uănh năl âk nău mbơh tơih nău geh mpeh pah kan rdâk njêng Đảng, trong kan chính trị, hun hao wăng sa rêh jêng, mât rnă njrăng ngih dak, mât đăp mpăn rnă njrăng, nchră nău đah dak bah dih bâh nkuăl ƀon têh, đảng bộ hăn lor bôk năp, nău ŭch bâh nkuăl ƀon têh mbra geh nsrôih mbơh tơih ăp nghị quyết bâh Đảng gay ma ơm lăp tâm nău rêh ngăn, tât đah ăp gâl kan ntŭk kan ba dâng, ta ăp cán bộ, đảng viên. Ta meng nău ŭch Hà Nội jêng ntŭk hun hao wăng sa bâh ta nkual n’hanh ta lam dak, leo kan hun hao an ăp ntŭk kan văr nĕ, Tổng Bí thư lĕ đă Hà Nội an geh jêng ntŭk kan tơm bâh nău rgâl mhe mĭn kan. Mpeh nău kan năp lor, Tổng Bí thư Tô Lâm đă Hà Nội an geh rgum ƀư tĭng ueh nău nchŏng kan 35 bâh n’gâng kan chính trị mpeh đại hội đảng bộ ăp gâl mpŏng tât Đại hội Đại biểu lam dak tal 14 bâh Đảng tĭng di đah nău nchrăp kan.