Ôi nđaơ (17/12), ta Hà Nội, Tổng Bí thư Tô Lâm râng n’hanh ntoh ngơi ntĭm rđău Rƀŭn nchră uănh lah săk rnglăy, kiểm điểm tay nău ntĭm rđău ƀư tĭng nău kan chính trị năm 2024; n’gluh an ăp trong, nău kan năm 2025 yor Đảng ủy Công an Trung ương ƀư. Ntoh ngơi ta Rƀŭn nchră, Tổng Bí thư Tô Lâm djôt dơn, uănh lah prêh nău nsrôih, nuih n’hâm hăn lor n’hanh ăp săk rnglăy dơi geh bah Đảng ủy Công an Trung ương, N’gâng kan Công an tâm năm 2024.

Nkre uănh, lah rjăp 3 nkô̆ nău an rgum tâm ntĭm rđău, ƀĭt joet tâm năm tât: Ngoăy lah, Công an an ndâk njêng kloh trong nchrăp moh ndơ ƀư tâm rach năm mhe, rach năm hao êng nơm bah rnoi nuĭh, an wât jru n’hanh ƀư tĭng an tâm ban nău ntĭm bah Kruanh Hồ Chí Minh “Công an an geh trong nchrăp. Công an mô dơi hăn bah kơi công nghiệp, lŏ mir, thương nghiệp, ntung trong. Uĕh ngăn lah công an hăn lor”. Tổng Bí thư Tô Lâm nsing nơm ngăn, đah nău way ơm tâm rnglăp, nuih n’hâm, janh dăng nâp nâl n’hanh nuih n’hâm janh mĭn, janh lah, janh ƀư, janh dơn nău kan, ăp đồng chí mbra lôch jêh uĕh ngăn bôk nău kan năm 2025, tâm rlong geh âk nău kan, n’hâm soan mbah rhơn ăp nar lễ, nkah gĭt têh bah neh dak tâm năm 2025 n’hanh 80 năm Nar way ơm Công an ƀon lan Việt Nam.