Ndrih ma tât Belarus, Tổng Bí thư Tô Lâm hŏ tât râng n’hanh geh nău lah ta rơh mâp măt Mpôl tâm rnglăp n’hanh tâm nđŭr văn hóa đah dak bah dih bah Belarus, Mpôl tâm rnglăp Belarus - Việt Nam n’hanh ăp nuĭh rnâng kan ơm Belarus geh âk nău rgop ntoh lư đah Việt Nam.

Tổng Bí thư lah rjăp Việt Nam năp kơi tâm ban ngoăy way uănh khlay tâm boh tâm rnglăp way ơm đah Belarus; ŭch rŏng n’hao dăng tâm boh đah bar dak ta lĕ rngôch ăp trong kan, yor ma nău geh nsum bah bar dak, yor bah tâm lơh tâm su, tâm boh n’hanh hun hao ta nkual n’hanh lam ntŭr neh. Let năp tay gay rgop rdâk nâp tay n’hanh hun hao lơn đŏng tâm boh tâm rnglăp way ơm Việt Nam - Belarus, Tổng Bí thư Tô Lâm ŭch rŏng n’hanh dăn đă ƀư tay ăp nău kan tâm nđŭr âk mpưm, jru hvi lơn, wăch rgum âk lơn nău tât râng bah ăp rơh kơn ƀon lan, ăp nuĭh khoa học, doanh nghiệp n’hanh lơn lah rơh mom ndăm, kơl rơh druh ndăm bar dak nar lơn ma gĭt wât n’hanh krêp dêh nsum  lơn, gay bun dăp an nău tâm rnglăp đah ƀon lan bar dak Việt Nam - Belarus nar lơn ma êt lhăt.