Tổng Bí thư Tô Lâm mpơl nău rhơn ta năp ăp nău geh nsrôih ueh ta nău tâm boh kan đah bar đảng, bar dak tâm ba năp nơh, tâm nĕ geh rơh tât khâl bâh Thủ tướng Chính phủ Phạm Minh Chính tât CH Dominica khay 11 mhe nơh. Tổng Bí thư Tô Lâm lah na nê̆ Việt Nam ŭch tâm kơl tay n’hao nău tâm boh tâm rnglăp, tâm kơl đah dak CH Dominica, yor nău geh bâh ƀon lan 2 dak, yor nău đăp mpăn, ueh lăng n’hanh hun hao ta 2 nkual n’hanh ta lam ntur neh. Tổng Bí thư Miguel Majia lah na nê̆ mbra nsrôih ndrel ndâk nsơm nău tâm knơm mpeh chính trị đah Đảng nău kan cánh tả dơn ngoăy n’hanh ăp đảng têh kơt ta Dominica đah Đảng Cộng sản Việt Nam, tâm ton kơl an Việt Nam tâm ăp nău ta lam ntur neh n’hanh ta ăp rơh tâm mâp âk ding ma lĕ bar dak lah dak kan ndrel.