Ủy ban Mặt trận Tổ quốc Việt Nam n’gor Đắk Lắk ƀư rơh rƀŭn nchră uănh năl nău rêh jêng nău nchrăp kan n’gor Dak Lak rơh năm 2021-2030, mpŏng uănh tât năm 2050.

Ta rơh rƀŭn nchră, ăp đại biểu an lah nău nchrăp pah kan lĕ geh ƀư lôch 3 nău kan tơm khlăy tĭng di nău nchrăp n;hanh rdâk njêng 6 rmôt ntrong kan ƀư tĭng nău nchrăp kan.

Yơn lah, an geh ntop ăp nău knơm uănh mpeh pháp lý n’hanh ăp ntil sƀ ntrŭnh kan bâh Đảng n’hanh Trung ương gay ma mât đăp mpăn nău ueh lăng. Âk đại biểu an lah, ndrel đah nău uănh năl nău ngăn mpeh wăng sa rêh jêng, nău ta nkuăl ƀon têh, nkual ƀon lan gŭ, ndơ dŏng ntung trong, dŏng neh ntu, nău nchrăp kan an geh uănh năl na nê̆ mpeh si gle ta bri, âk ueh mpô mpa dak nor, rgâl mih sial trôk nar n’hanh ăp ndok mbrâm, nău ntĭm nti n’hanh khoa học công nghệ gay ma geh trong kan tâm di lơn. Tâm nău nchrăp hun hao tuch tăm, an geh mbơh na nê̆ lơn nău wăng sa tuch tăm bâh n’gor n’hanh an geh uănh nkô̆ mpŏng kan lvang năm 2021-2030 lah njoat hăn rdâk njêng nău kan an hun hao tuch tăm công nghệ mhe nâp nâl, tâm di đah rnoh kan n’hanh nău blău pah kan jan sa ta ntŭk.

Nău nchrăp kan mpeh nău kan ta n’gor Dak Lak rơh năm 2021-2030, mpŏng uănh tât năm 2050 dôl geh leo ƀư sok nău tâm rgop âk tâm lam n’gor gay ma ƀư lôch nău kan pă nău dơi an dŏng. Nău kan geh nău mpŏng kan tât năm 2050 Dak Lak jêng n’gor geh nău hun hao dŭt sâm geh ta lam dak.

Toàn cảnh hội nghị.jpg

Các đại biểu trao đổi, nêu ý kiến tại hội nghị.jpg