Tât rnôk aơ, n’gor Dak Nông mhe pă ê geh 50% rnoh prăk ntuh kơl nsum geh jao năm 2024. Bonh đă ntrŭt dăng nau kan aơ, Kruanh UBND n’gor Dak Nông hŏ rđau ƀư nau nchrăp mêt uănh ngăn ta ăp nau kan geh rnoh pă dŏng prăk dêh. Tĭng nau nchrăp, tâm rơh tât, UBND n’gor Dak Nông mra ƀư 2 rmôt hăn mêt uănh, yor Kruanh ndrel Groi Kruanh leo bôk bah ăp rmôt, hăn mêt uănh 11 nau kan tâm ăp nkuăl Dak Mil, Cư Jut, Dak Rlâp, Krông Nô ndrel nkuăl ƀon têh Gia Nghĩa. Aơ lah ăp nau kan ntuh kơl nsum tâm nau ƀư Gung trong, trong dak, geh nau khlay tât nau hun hao văng sa, rêh jêng bah nkuăl, yơn nau ƀư mbrơi, rnoh pă dŏng prăk dêh.

Nau kan mêt uănh, nchră mbơh ăp nau jêr, nkol rnôk ntrŭnh ƀư nau kan gay geh nau doh rklaih, UBND n’gor Dak Nông mra uănh nau kan bah rđau kan, rđau đă, bonh đă, mêt uănh bah ăp rmôt, ăp tơm ntuh kơl, ngăn lah nau kan bah nŭih daka bôk. UBND n’gor Dak Nông mra mhal ăp ntŭk, ăp nŭih ƀư jêr, nkol, mô nâp kan ƀư mbrơi nau kan. Đah du đê̆ nau kan mô geh dơi, UBND n’gor Dak Nông rgâl du đê̆ tơm prăk ân nau kan ueh lơn./.