Kêng măng nđaơ, 26/11, ta Ngih Quốc hội, Kruanh Quốc hội Trần Thanh Mẫn ƀư tơm rơh pah kan bah Ủy ban Thường vụ Quốc hội an rgop mpeh Dự thảo Nghị quyết bah Quốc hội mpeh n’hŭch soay hao khlay. Dŭt âk nău rgop tâm rnâng kan Ủy ban Prăk kaih tâm ban ŭch đah nău khlay jao an Nghị quyết gay kơt dŏng nău kơl n’hŭch soay, rgop n’hŭch rnoh khlay, rnoh tăch ndoh ndơ, rhŏ an tăch rgâl, bah nĕ dơi ntrŭt dŏng ndơ, mât uĕh nău kan an nuĭh pah kan, ntop kơl nuĭh ƀon lan, doanh nghiệp mât uĕh ndâk nsơm tay n’hanh ntrôl nău kan nkra njêng, tăch rgâl gay rgop plơ̆ tay an tơm prăk ngih dak n’hanh jâng wăng sa.

Dŭt âk nău rgop tâm rnâng kan Ủy ban Prăk kaih ngih dak tâm ban ŭch đah dăn đă bah Chính phủ mpeh nău an kơt dŏng tay tơm prăk bah lơ 1/1/2025 tât lĕ lơ 30/6/2025. N’glôn jêh nkô̆ nău aơ, Groi Kruanh Quốc hội Nguyễn Đức Hải an gĭt, Ủy ban Thường vụ tâm ban ŭch mbơh an Quốc hội uănh mĭn tay nău ntrŭnh n’hŭch soay hao khlay ndơ bah Chính phủ; dăn đă Chính phủ djăt nău rgop bah Ủy ban Thường vụ, nău rgop bah ngih pah kan uănh năl gay ntop tay nău uănh lah n’hao nău di bah nău soay mbơh an Quốc hội uănh mĭn tay nău ntrŭnh.