Ăp năm bah năp, Viện khoa học kỹ thuật nông lâm nghiệp Tây Nguyên lĕ săch njêng lôch uĕh 15 ntil cà phê vối săk geh âk, âk ntil tiêu, bơ, ca cao uĕh an ndơ̆ tăm.

Nar 20/10, Viện khoa học kỹ thuật Nông lâm nghiệp Tây Nguyên (ta nkual ƀon têh Buôn Ma Thuột, n’gor Dak Lak) ƀư nkah gĭt 25 năm ndâk njêng n’hanh wơt dơn Huân chương Lao động hạng nhất. Ăp năm bah năp, Viện khoa học kỹ thuật nông lâm nghiệp Tây Nguyên lĕ săch njêng lôch uĕh 15 ntil cà phê vối săk geh âk, âk ntil tiêu, bơ, cao cao uĕh an ndơ̆ dŏng.

Viện Khoa học kỹ thuật nông lâm nghiệp Tây Nguyên wơt dơn Huân chương Lao động hạng nhất

Aơ lah ăp ntil tơm khlay tâm bôk nău kan tăm tay cà phê, rgâl ntil tơm tăm ta ăp n’gor Tây Nguyên. Bah meng nĕ, viện hăn bôk năp mĭn njêng, uănh lah ngăn tuch tăm lŏ mir ta Tây Nguyên, ƀư nkô̆ nău gay ăp n’gor tâm nkual ƀư tĭng ăp dăp rgum hun hao nông-lâm nghiệp. Viện ntrôl dăng kan ndrel lam ntŭr neh, tâm nĕ, geh kan ndrel đah Cuba mpeh hun hao cà phê nâp nâl; Kan ndrel đah Nestle ntop kơl ntil cà phê an nuĭh ƀon lan.

Nŭih blang: Y Sưng Phê Ja