Lơ 10/12/2024 ta Jay năch Điếu Ngư Đài, Thủ đô Bắc Kinh, Trung Quốc, Kruanh N’gâng kan tâm rnglăp nchră nău Bùi Thanh Sơn ndrel Kruanh N’gâng kan tâm rnglăp nchră nău Trung Quốc Vương Nghị ndrel ƀĭt joet rơh rƀŭn tal 16 Ủy ban ntĭm rđău kan ndrel ăp ding Việt Nam-Trung Quốc. Ta rơh rƀŭn, 2 ding tâm rgâl sŏng dăng mpeh nău ta dak lêng, tâm ban ŭch ƀư tĭng rjăp nău vât nsum gưl prêh, uănh nđôi n’hanh mkra uĕh lơn tâm rkeh, mât đăp mpăn ta Biển Đông.

Wa Bùi Thanh Sơn đă 2 ding sŏk tâm ton mpeh ăp nău way bôk năp ntĭm rđău mkra nău ta dak lêng Việt Nam-Trung Quốc, luật pháp lam ntŭr neh ƀư n’gâng tơm; an nơm tâm ntŭk gŭ ndrel, tâm ryơk nău ƀư tơm, nău geh tâm di nsum; mât uĕh tay nău ƀư tơm bah ăp trong ƀư tâm nchră mpeh dak lêng, ntrôl kan ndrel ta dak lêng geh hun hao ngăn, mkra tâm di nău ta dak lêng; ndrel ăp dak ASEAN ntrôl tâm nchră, ơm geh sam ƀŭt COC geh tam, ngăn ngên.