Bôk nău kan gay ma kơl Vitamin D3K2 ueh, kơl an geh âk canxi, ntop hun hao nâp dăng nting, sêk, nâp ueh an oh kon se. Ta bôk nău kan, rnâng kan leo kan lĕ geh pă an 200 rchok Vitamin D3K2 an 100 oh kon se geh nău rêh jêr jŏt ta phường Ea Kao. Dơn ndơ pă an, Yuh H Don Buôn Krông, ƀon Bông, xã Ea Kao nkoch.

“Gâp ê hŏ geh prăk gay ma rvăt dak si ueh dăng săk an kon ngêt, dŭt rhơn rnôk geh dơn D3K2 aơ, gâp lah ueh âk ngăn”.

Dơi gĭt ta rơh aơ ta Đăk Lăk, bôk nău kan ƀư tĭng ta ăp phường Tân An, Tân Lập, xã Krông Păk, Tân Tiến, Ea Phê, Ea Knuêc, pă an lĕ dĭng lĕ 1.200 rchok D3K2 an 600 oh kon se geh nău rêh ach o, đah lĕ rnoh khlăy rlău 460 rkeh prăk. Tâm lam dak, bôk nău kan nchrăp geh pă 1 rkeh dĭng vitamin D3K2 an 5.500 oh kon se ta 16 n’gor, nkưal ƀon têh.