Lơ 13/8, lam n’gor Lâm Đồng kơp dơn geh bơi tât 4000 nŭih luh mêr gur, hao âk rlau 3.800 nŭih rđil rơh aơ năm e. Ăp nau ji jâng ty mbung, ji rtoh trong mham kŏ geh kơp dơn hao dăng tâm ăp pơh êp aơ, đah rnoh nŭih ntưp ji geh kơp dơn bơi tât 1.600 nŭih ndrel rlau 2.700 nŭih, tâm nê geh du hê nŭih lĕ khĭt yor rtoh trong mham. UBND n’gor Lâm Đồng hŏ đă N’gâng kan dak si ndrel ăp ntŭk kan geh tât, nkuăl ân geh nchrăp ƀư, ntrŭnh rjăp nau rđau, đă, ntrŭnh ƀư ăp nau kan njrăng rdâng srê ji, đăp mpăn nŭih pah kan, dak si ngêt săm, hoá chất, ndơ dŏng tâm ngih dak si ndrel drăp ndơ ân nau kan njrăng rdâng srê.

UBND n’gor Lâm Đồng jao ân N’gâng kan dak si ƀư tơm, tâm rgop ma ăp ntŭk kan geh tât ndrel ăp xã, phường, nkuăl ƀư ueh nau kan leo ăp rmôt tât mêt uănh, nkân njrăng, kơl an nau kan njrăng, rdâng srê ji tâm ăp ntŭk, ăp nkuăl; năn mbơh nau, đă UBND n’gor uănh, rđau đah ăp nkô̆ nau rlet nau dơi ƀư kan./.