Aơ lah nău kan hăn rgŏ Việt Nam yor ntŭk kan trung ương Đoàn rgŏ jă, hăn rgŏ trong Trường Sơn ntoh lư, vơt rhơn 80 năm Cách mạng khay 8 n’hanh Quốc khánh lơ 2/9. Bôk nău kan nsĭt leo âk nău mĭn an năch đah nău tâm rgop măt bâh NSND Nguyễn Thị Thanh Thúy, ca sĩ Võ Hạ Trâm, Phương Thanh, Suboi, Hồ Lê Ngân Hà ndrel đah âk nhạc sĩ mom. Ăp nău mprơ mhe kơt “Hò Vươn Mình”, “Made in Vietnam”, “Nhà Tôi Có Treo Một Lá Cờ” tâm rgop ndrel đah ăp nău mprơ hăn ndrel đah năm khay  “Nối Vòng Tay Lớn”, “Cô Gái Mở Đường”, “Biết Ơn Chị Võ Thị Sáu” lĕ njêng nău njroh mprơ nkre ma têh khlăy, nkre ma ueh. Đăk Lăk lah ntŭk rlu jâng tal 2 bâh rơh bôk ndeh hăn aơ lôch nkuăl ƀon têh Hồ Chí Minh. Trong kan tay mbra lah Đà Nẵng, Huế, Quảng Trị, Nghệ An, Phú Thọ n’hanh Hà Nội.