Ôi (12/8), ta Jay tâm rlong Thể dục Thể thao n’gor Đắk Lắk, Cục Thể dục Thể thao Việt Nam tâm rgop đah N’gâng kan Văn hóa, Thể thao n’hanh Pâl nđaih n’gor Đắk Lắk ntơm ƀư Giải vô đích druh ndăm n’hanh druh ndăm rchong Dô̆t rse lam dak rơh tal II năm 2025. Ƀư bah aƀaơ tât lĕ lơ 19/8 tât, giải tâm rlong geh 340 nuĭh tâm 14 ntŭk kan n’gor, nkual ƀon têh ta lam dak râng tâm rlong.

Ăp nuĭh tâm rlong mbra tâm rlong ta 36 gưl jâk săk an bu kô, bu ur n’hanh bu ur bu klô tâm rgop, ta 2 nkô̆ nău dô̆t rse tâm jay n’hanh dô̆t sre bah dih, tĭng trong tâm rlong săch na nê̆ jêh 2 rơh mô dăng. Jêh ntơm ƀư, ăp ntŭk kan lĕ râng tâm rlong ăp nkô̆ nău 600kg bu klô, 400kg bu ur n’hanh 370kg bu klô-bu ur tâm rgop, dô̆t tâm jay. Năm aơ, giải dơi ƀư ta Đắk Lắk rƀŏng tât nkah gĭt 80 năm Quốc khánh dak Cộng hòa xã hội chủ nghĩa Việt Nam, mbah rhơn Đại hội đại biểu Đảng bộ n’gor Đắk Lắk rơh tal 18 n’hanh rƀŏng tĭng nău rgŏ jă “Lam ƀon lan tiăr nti săk soan tĭng rup gui Wa Hồ têh he”.