Cục Điện ảnh (Bộ Văn hóa, Thể thao n’hanh Pâl nđaih) kan nsum đah ăp đơn vị ƀư ntơm pơk phim nkah ndray 80 năm Cách mạng Khay pham, Quốc khánh 2/9, Nar way ơm Công an ƀon lan Việt Nam n’hanh 20 năm Nar rgum lam ƀon lan mât rnă njrăng neh dak.

Nău kan gŭ tâm rơh pơk phim lam dak, ƀư tâm khay 8 n’hanh 9, gay nkoch trêng jru hvi, lơn lah tât rơh mom ndăm, mpeh nău way ơm rŏng dak, nuih  n’hâm tâm rnglăp rnoi nuĭh tâm n’gâng kan rklaih luh, rdâk njêng n’hanh mât njrăng neh dak. Ta Dak Lak, ăp ntŭk pơk phim lah Ntŭk rgum pơk phim n’hanh Chiếu bóng n’gor, Bộ Chỉ huy Quân sự n’gor n’hanh Nhih nti Đại học Tây Nguyên hŏ rhŏ an cán bộ, tahen, sinh viên n’hanh âk mpưm nuĭh ƀon lan đah ăp bôk phim “Bay trên đôi cánh tự do”, “Người đồng hành đặc biệt”, “Ký ức Nam Xuân”...