Măng 13/8, ta Ngih mprơ Hồ Gươm, Hà Nội, N’gâng kan Công an hŏ ƀư tơm, tâm rgop ma Hội Nhà báo Việt Nam ƀư Lễ rgum lôch ndrel pă nkhôm Giải báo chí lam dak, “Yor nau đăp mpăn neh dak ndrel đăp mpăn nau rêh” lvang năm 2023-2025. Giải báo chí rnôk aơ ngăn ngên geh nau khlay, lah ngoai tâm ăp nau kan ntoh lư rƀŏng nkah 80 năm Nar vay ơm Công an ƀon lan, 20 năm Nar rgum lam ƀon lan mât neh dak. Tâm rnôk pă nkhôm, Hội đồng chung khảo hŏsăch 72 nau nchih ntoh lư gay ma pă, geh: 6 nau nchih geh giải A; 12 nau nchih geh giải B; 19 nau nchih geh giải C; 35 nau nchih geh giải khuyến khích.

Tâm rnôk pă nkhôm, Rađio Việt Nam (VOV) hŏ geh 2 nau nkhôm nê lah: du giải A bah ăp nŭih nchih Bùi Thị Hương Giang, Nguyễn Thị Kim Thanh (Ban thời sự Radio Việt Nam) đah nau nchih “Tâm nklang nau roh hŭch” ndrel du nau nkhôm khuyến khích bah rmôt nŭih nchih Bùi Hương Giang, Nguyễn Hà Phương (Báo Điện tử Radio Việt Nam) đah nau nchih “Jăng lơi Tin lành Đêgar: Plŏ bôk lah kơh”./.