VOV4.M'nông - Kêng măng lơ 28/12, ta xã Hoà Phú, nkuăl ƀon têh Buôn Ma Thuột, ntuk kan văn hoá thể thao n’hanh pâl nđaih n’gor Dak Lak ƀư rơh mbơh tơih câu lạc bộ n’hanh nglôch lôch jrô nti văn hoá way ơm rnoi Thái.

VOV4.M'NÔNG - Djăt ma tât khay 11, khay 12 dương lịch ăp năm, ƀon lan ăp rnoi mpôl đê̆ nkual Tây Nguyên, tâm nê geh nuĭh Xơ Đăng ta n’gor Kon Tum, mbra ƀư ăp nău way nkah gĭt brah yang, mpŏng nău lap, nău đăp  mpăn an ƀon lan, an ăp rnăk wâl. Nău way ôp brah mbor dak lah ngoăy tâm ăp lễ hội gay ŭch geh kơt nê.

VOV4.M'NÔNG - Ôi 22/12, Thủ tướng Chính phủ Phạm Minh Chính ƀư tơm rơh tâm nchră lam dak mpeh hun hao ăp n’gâng kan công nghiệp Văn hóa Việt Nam. Aơ lah tâm nchră lor bôk năp geh nkô̆ khlay mha êng mpeh hun hao ăp n’gâng kan công nghiệp văn hóa Việt Nam.

VOV4.M’nông - Nuĭh Bunong Rlăm ta xă Yang Tao, nkuăl Lăk, n’gor Dak Lak aƀaơ hôm e mât ndrăy nău kan mon uk way ơm. Nău uĕh ta aơ lah nghệ nhân mô dŏng nsưng ndăch, ma knŭng mon đah ty, jêng rup ndơ n’hanh gŭch. Đah nău ê nkra êng aơ lĕ mât ndrăy rhiăng năm, jêng ndơ uk uĕh, wăch rgum nău uănh mĭn bah năch pâl nđaih n’hanh jêng ndơ pâl nđaih an ƀon lan.

VOV4.Mnông- Đah nău ŭch mât rbăy, ryơk rnê, mbơh tơih ăp ndơ sa way ơm bâh nuĭh Xơ Đăng n’hanh kơl âk nău pâl nđaih, kêng măng lơ 7/12, UBND nkuăl Tu Mơ Rông, n’gor Kon Tum rơh bôk năp leo ƀư “Rơh tâm rlong ndơ sa bâh tơm dak si- Nău ueh yôk bri Ngọc Linh”.

VOV4.M'nông- Ôi aơ 5/12, ta ntŭk tach Quảng trường Đại Đoàn kết, nkuăl ƀon têh Pleiku, UBND n’gor Gia Lai ƀư pơk bôk nău kan “Thiên đường Tây Nguyên- Gia Lai”.

VOV4.M'NÔNG - Pơh văn hóa – pâl nđaih Điện Biên n’hanh ăp n’gor Tây Bắc ta nkual ƀon têh Hồ Chí Minh hŏ ntơm pơk măng nơh  đah ăp rêng kan văn hóa, lịch sử, pâl nđaih khuh n’gôr, săk ntơr.

VOV4.M'nông: Jêh 3 nar ƀư khuh n’gôr đah âk nau kan ueh bah ăp nau ơm yau ăp rnoi nkuăl Tây Nguyên, măng 1/12, ta Quảng trường 16/3, nkual ƀon têh Kon Tum, n’gor Kon Tum, Bộ Văn hoá, Thể thao ndrel pâl n’aih hŏ mbơh lôch nar rgum, Lôch ăp nar rgum Văn hoá, Thể thao ndrel pâl n’aih ăp rnoi nkuăl Tây Nguyên tal bôk năm năm 2023.

VOV4.M'nông: Tâm nau ƀư nar rgum Văn hoá, Thể thao ndrel Pâl n’aih nkuăl Tây Nguyên tal 1 năm 2023, ta nkual ƀon têh Kon Tum, n’gor Kon Tum geh ƀư ăp nau kan mbơh ăp ntil ndơ sa kah bah ăp rnoi nkuăl Tây Nguyên.

VOV4.M’nông - Đah bôk nău “Đại ngàn Tây Nguyên-Tinh hoa hội tụ”, bah lơ 29/11 tât 1/12 nkual ƀon têh Kon Tum, n’gor Kon Tum ƀư Nar rgum văn hóa, Thể thao n’hanh Pâl nđaih ăp rnoi nuĭh nkual Tây Nguyên rơh tal 1, năm 2023. Rĭng ăp nău ƀư văn hóa uĕh bah nkual neh Tây Nguyên lĕ ntô̆ n’hao ăp nău khlay văn hóa way ơm uĕh bah ăp rnoi nuĭh Tây Nguyên, nkre mpla nsơ, ntrŭt ngăch pâl nđaih.