Cà phê Robusta kah Việt Nam geh ndơ nkhôm têh ngăn ta rơh tâm rlong cà phê lam ntŭr neh
Thứ tư, 10:23, 11/12/2024
Nuĭh rblang-Y Sưng Phê Ja
Nuĭh rblang-Y Sưng Phê Ja
VOV4.M’nông - Nar nđaơ (10/12), Cà phê Robusta kah Việt Nam lĕ dơi an ndơ nkhôm têh ngăn ta rơh tâm rlong “Cup Odjita Swan 2024”.
Nar nđaơ (10/12), Cà phê Robusta kah Việt Nam lĕ dơi an ndơ nkhôm têh ngăn ta rơh tâm rlong “Cup Odjita Swan 2024”. Săk rnglăy aơ rgop mĭn lah ntŭk gŭ n’hanh nău khlay bah cà phê Robusta kah Việt Nam jêh 6 năm ƀư ta gưl prêh. Rơh tâm rlong “Cup Odjta Swan 2024” lah nău ƀư săch cà phê Robusta lam ntŭr neh bôk năp.
Tĭng wa Trịnh Đức Minh, Kruanh Hiệp hội Cà phê Buôn Ma Thuột, Rơh tâm rlong Cup Odjita Swan 2024 lĕ geh du ntŭk pâl tâm ban n’hanh kloh rah wah gay ntô̆ n’hao ăp ndơ cà phê Robusta uĕh ngăn. Nău dơi geh bah ăp doanh nghiệp mô knŭng lah nău ntô̆ n’hao bah êng ndơ ma hôm lah an saơ uĕh kah n’hanh nău geh âk bah cà phê Robusta kah Việt Nam ta ăp ntŭk tăch mhe, tâm nĕ geh ntŭk tăch dak Trung Quốc.
Viết bình luận