Gia Lai ŭch dơn 4 nău nchrăp ƀư ŭnh nar nkra njêng tay, dĭng lĕ prăk bơi 5.000 rmen
Thứ sáu, 11:19, 17/04/2026
VOV Tây Nguyên/Nuĭh rblang: Y Sưng Phê Ja
VOV Tây Nguyên/Nuĭh rblang: Y Sưng Phê Ja
VOV.M’nông – Lơ 16/4, UBND n’gor Gia Lai lĕ geh nău ntrŭnh ŭch dơn nuĭh ntuh kơl ƀư 4 nău nchrăp ƀư ŭnh nar nkra njêng tay, geh dĭng lĕ rnoh ntuh kơl bơi 5.000 rmen prăk.
Na nê̆, tâm 4 nău nchrăp ƀư aơ, geh 3 nău nchrăp ƀư điện măt nar n’hanh du nău nchrăp ƀư điện sial, geh dĭng lĕ dăng geh 230MW, nchrăp dơi mbơh ƀư ta xă Ia Le n’hanh du gâl xă Chư Pưh. N’gâng kan ƀon lan xă Ia Le n’hanh xă Chư Pưh dơn trok lĕ đah nău kan ƀư trok neh, ntop kơl, ƀư ntŭk gŭ mhe n’hanh sŏk neh rhŏ an nău nchrăp ƀư.
UBND n’gor Gia Lai đă ăp nuĭh ntuh kơl tĭng rjăp nău ntrŭnh pháp luật mpeh ntuh kơl, ndâk ƀư, neh ntu n’hanh ntŭk ntô gŭ âm; tŏng ăp prăk kaih, dŏng ndoh ndơ tâm di kỹ thuật n’hanh mô dơi rgâl an nău nchrăp rnôk mô hŏ dơi ngih pah kan dơi mkra ŭch dơn.
Viết bình luận