Ta nkuăl ƀon têh Sóc Trăng, N’gâng kan tuch tăm ndrel hun hao ƀon lan tâm rgop nsum ma Báo Tuổi trẻ ndrel UBND n’gor Sóc Trăng hŏ tâm nchră “Ndâk săk ntơ neh âk ân phe Việt”. Tâm nchră geh nau râng bah rlau 150 nŭih lah ntoh măt ntŭk kan mât Ngih dak, rmôt ƀư kan ndrel nau kan tăch rgâl. Tâm rnôk tâm nchră, ăp ntoh măt rgum ăp nau nchră tơm kơt “Ndâk săk ntơ”, nau jêr bah ntŭk kan phe ba Việt Nam, ndâk nau săk ntơ ân neh dak ân phe Việt- “Ntul rlong ndrel nau nkhêp”.

Êng nê, ăp nŭih kan tuch tăm, ăp ntŭk kan ê nkra ndrel tăch rgâl phe ba kŏ geh âk nau rgop, ăp ntrong kan gay ndâk ân dơi săk ntơ neh dak ân phe Việt. Nkô̆ nau bah tâm nchră lah njêng luh nau tâm nchră pơk, kuăl jă nau rgum râng bah ăp nŭih kan bôk năp, ăp ntŭk kan ndrel ăp ntŭk mât geh nau blau, gay leo luh ăp nau đă ngăn, rgop nau ndâk săk ntơ phe Việt Nam nar lơn nâp tâm ntŭk tăch bah dak ba dih./.