Ta phường Pleiku, n’gor Gia Lai, Ntŭk kan Tuch tăm n’hanh Dak si mpa rong tơm tăm ndrel N’gâng kan Tuch tăm n’hanh ntŭk ntô gŭ âm n’gor Gia Lai ndrel ăp ntŭk kan geh tât ƀư Rƀŭn “Hun hao nău kan ndơ chánh rse nâp nâl tĭng trong tâm rgop”. Năm 2025, Gia Lai geh nklăp 5.600 ha chánh rse, ndơ geh rlău 210 rbăn tấn.

N’gor lĕ dơi pă 48 mã mrô nkual tăm đah rlău 1.150 ha n’hanh 6 ntŭk tâl dŭng rhŏ an tăch n’gluh. Aƀaơ, nău kan chanh rse hôm e rdâng âk “ntŭk kol”: nkra njêng đêt chrai, tâm rgop n’hơ, uĕh jêng ntil mô tâm ban, bu tuh âk, prăk logistics âk n’hanh mpêr n’gar nău blău hô bah EU, Mỹ, Nhật Bản n’hanh Trung Quốc. Ta năp nău ngăn aơ, Rƀŭn nchră lah rjăp đă an jêh trong tâm rgop, lơn lah ntrong ƀư “Doanh nghiệp-HTX-Ƀon lan”, hăn tât “5 jay” geh Ngih dak-Doanh nghiệp-HTX-Nuĭh ƀon lan-Ngân hàng. N’gâng kan tuch tăm mât rong n’hanh ntŭk ntô gŭ âm mĭn lah, tâm rgop lah nkô̆ nău khlay gay n’hao dơi tâm rlong, ntrôl lŏ mir hun hao nâp nâp rgŏ năp.