Năm 2024, ntŭk kan tuch tăm Dak Lak lŏ geh dơi âk nau ueh ndrel ăp ntil. Tâm nê, rnoh tăch hao khlay bah ăp ntil ndơ, rgop nau leo rnoh tăch luh bah lam n’gor, lŏ ƀư rjăp nau kan tâm nau văng sa bah n’gor. Năm 2024, rnoh ăp ntil ndơ tuch tăm tâm Dak Lak mro mât tâm nroh prêh. Rnoh cà phê, tiêu geh rnoh n’hao rnoh mhe. Nau aơ rgop nau n’hao nau geh ân ƀon lan, ntŭk kan, pơk trong ân nau hao khlay ndơ tuch tăm. Nau tă geh dơi bah nau kan tuch tăm bah n’gor tâm lôch năm đăp mpăn nau nchrăp luh.

Tuch tăm, mât rong kan geh rlau 23.450 rmen, hao rlau 4% rđil rơh aơ năm e, rlet 0,65% nau nchrăp. Tuch tăm bah Dak Lak tăch luh tât rlau 70 dak ndrel nkuăl neh, rnoh geh tăch luh bơi tât 1,7 rmen đôla. Wa Nguyễn Hoài Dương, Giám đốc N’gâng kan tuch tăm ndrel hun hao ƀon lan Dak Lak mbơh: Năm 2025, ntŭk kan tuch tăm nsôih geh rnoh ndơ tuch tăm, mât rong tui ka geh 24.700 rmen, hao rlau 5% rđil năm 2024. Gay dơi geh nau kơt aơ, n’gor mra nsôih n’hao nau geh ndơ tuch tăm, tŏng dơi ăp nau tăch luh./.