VOV.Xơ Đăng - Hâi 3/4/2025, ‘nâi tơdroăng ki Đăi tươ̆ng Khamtay Siphandone, kăn xiâm hnê ngăn Đảng Nhân yân Kăch măng Lếo, Kăn xiâm hnê ngăn kong têa Lếo, Ngế pro xiâm hnê ngăn kong têa Kŏng hoa Yân chuh Nhân yân Lếo hneăng hdrối hiăng hlâ, pôa Tô Lâm, Kăn xiâm pơkuâ hnê ngăn cheăng Đảng hiăng pơkuâ djâ khu kăn xiâm dêi Đảng, Tơnêi têa Việt Nam lăm ngăn pôa Khamtay Siphandone.

VOV.Xơ Đăng - Hâi 3/4, pôa Phạm Minh Chính, Ngế pro xiâm hnê ngăn Chin phuh hiăng pơtroh kơthô troh kơ pôa Sonexay Siphandone, Ngế pro xiâm hnê ngăn Chin phuh Lếo veăng sĭng khéa ‘na tơdroăng ki Đăi tươ̆ng Khamtay Siphandone hlâ.

VOV.Xơ Đăng - Kong măng lơ 3/4, a Plông kân Lâm Viên, pơlê kong kơdrâm Đà Lạt po leh tơbâ 50 hơnăm Hâi tơleăng lĕm Lâm Đồng (3/4/1975 – 3/4/2025).

VOV.Xơ Đăng -  Kơxê lơ 3/4, pôa Nguyễn Đức Hải, Phŏ Kăn xiâm hnê ngăn Kuô̆k hô̆i ƀă khu râ kăn pêi cheăng hiăng ai roh pêi cheăng ƀă kong pơlê Lâm Đồng ƀă Kơ koan xiâm hriăn plĕng trếo tik nik ‘na tơdroăng pêi pro Tơdroăng pơkâ 57 dêi Khu xiâm kal kí, Pơkâ 193 dêi Kuô̆k hô̆i ‘na mơnúa mâu troăng pơkâ pêi, troăng hơlâ ki phá tơ-ê mơjiâng mơnhông châ tơƀrê khoa hok, kŏng ngê̆.

VOV.Xơ Đăng - Tung roh lăm pôu pêi cheăng păng ‘nâng Armenia, hâi lơ 3 khế 4, pôa Trần Thanh Mẫn, Kăn xiâm hnê ngăn Kuô̆k hô̆i hiăng trâm mâ tơpui tơno ƀă pôa Vahagn Khachaturyan, Kăn xiâm pơkuâ kong têa Armenia.

VOV.Xơ Đăng - Việt Nam pơkâ po hâi mơdâm kiâ lâp tơnêi têa kơ pôa Khamtay Siphandone tiô pơkâ mơdâm kiâ lâp tơnêi têa tung 2 hâi, sap ing hâi lơ 4 troh hâi lơ 4 troh lơ 5/4/2025.

VOV.Xơ Đăng -  Kơxo hâi lơ 2/4, pôa Nguyễn Hòa Bình, Phŏ ngế pro xiâm hnê ngăn tơnêi têa ƀă mâu kăn hiăng lăm séa ngăn mâu tơdroăng tơkêa bro tung kong pơlê Quảng Ninh.

VOV.Xơ Đăng - A tíu pêi cheăng Chin phuh, pôa Phạm Minh Chính Ngế pro xiâm hnê ngăn tơnêi têa tơdah pôa Anatoly Sivak, Phŏ ngế pro xiâm hnê ngăn kong têa Belarus lăm pôu Việt Nam, hlối pơkuâ Hneăng hôp 16 Vi ƀan tơrŭm cheăng Chin phuh Việt Nam - Belarus ‘na tơrŭm cheăng kâ - tê mơdró ƀă Khoa hok kih thuât ƀă Hneăng hôp Khu mơdró kâ Việt Nam - Belarus a Hà Nội.

VOV.Xơ Đăng - Pơtối roh lăm pôu pêi cheăng păng ‘nâng Kŏng hoa Armenia, a pơlê kong xiâm Yerevan, pôa Trần Thanh Mẫn, Kăn xiâm hnê ngăn Kuô̆k hô̆i ƀă Khu râ kăn xiâm Việt Nam hiăng lăm ngăn Tíu xiâm Kŏng ngê̆ pêi rơkê TUMO – môi tíu xiâm hnê hriâm tê kơtê, kum droh rơtăm phô̆m xông kân hriâm xêh ƀă mơdêk tuăn ngôa rơkê.

VOV.Xơ Đăng - Tơdroăng tơkêa bro troăng kân - tơdrăng Khánh Hòa - Ƀuôn Ma Thuột xŏn 117,5 km, tơdjêp péa to kong pơlê Khánh Hòa ƀă Dak Lak, tâi tâng kơlo liăn ‘no pro vâ chê 22 rơpâu rơtal. Tiô pơkâ, troh mơ’nui hơnăm 2026 kô pro klêi hneăng má 1 ƀă ăm rơxế kơtâu apoăng hơnăm 2027. La troh nôkố, tơdroăng tơkêa bro troăng kố xuân ối ai hên “tíu ki pro pá” tung tơdroăng ki xo tơnêi, pơhlêh tơnêi kong, klôh ki chiâ xo tơnêi hmốu prêi pro ƀă tơdroăng ki ok mơ’no kế ki ‘mêi.