VOV4.Xơ Đăng - Drêng tơbâ 78 hơnăm hâi Mơjiâng Kŏng an kuăn pơlê Việt Nam (19/8), kơxo lơ 16/8, a Hà Nội, Khu xiâm ngăn Kŏng an tơrŭm ƀă Khu xiâm ngăn pơkeăng ƀă khăm pơlât ƀă Hngêi pơkeăng Nhi Trung ương tơkŭm po Hâi Leh tâi tâng kuăn pơlê pơkuâ ngăn gak kring Tơnêi têa, rak vế tơniăn hngêi pơkeăng.

VOV4.Xơ Đăng - Kơxo hâi lơ 16/8, a tíu pêi cheăng dêi Kăn xiâm hnê ngăn tơnêi têa, Pôa Võ Văn Thưởng Kăn xiâm hnê ngăn tơnêi têa trâm mâ khu kăn, mâu ƀok yah, mâu hdroâng kuăn ngo, mâu ngế rơkê, mơngế pêi cheăng kơhnâ dêi pơlê kong kân Hồ Chí Minh drêng Khu kố  lăm troh a Hà Nội tung tơdroăng “Lăm tơrŭm ƀă’’. 

VOV4.Xơ Đăng - Kơxê măng lơ 15/8, a tíu pêi cheăng Chin phuh pôa Phạm Minh Chính, Ngế pro xiâm hnê ngăn Chin phuh trâm mâ khu kơtú ƀa long vâi kơdrâi Việt Nam klêi kơ’nâi Khu kố vêh dêi ngi tơnêi têa sap ing rôh tơ’noăng mơgêi World Cup kơdrâi 2023.

VOV4.Xơ Đăng - Kơxê lơ 15/8, a Hà Nội, Học viện Chính trị quốc gia Hồ Chí Minh tơrŭm ƀă Khu tơrŭm Tơnêi têa po leh mơgêi lâm hnê tơ’nôm tơdroăng ki rơkê, tăng ‘nâi mâu tơdroăng ki nếo ƀă kăn phŏ pơkuâ ngăn Đảng, kăn hnê ngăn Hô̆i đong, kăn hnê ngăn Vi ƀan kong pơlê, pơlê kong kân ối tung Tơnêi têa (lâm má 2).

VOV4.Xơ Đăng - Hâi lơ 15/8, a pơlê kong kơdrâm Ƀuôn Ma Thuột, khu kăn ki pêi dêi hnoăng cheăng dêi Hô̆i đong ôm hyô ƀă Rôh hôp pơlê kong kân Goyang (kong pơlê Gyeonggi, Hàn Quốc) troh pôu ƀă pêi cheăng ƀă kong pơlê Dak Lak.

VOV4.Xơ Đăng -Vâ chê troh hâi koh tơbâ 78 hơnăm Kăch măng khế 8 ƀlêi trâng ƀă 18 hơnăm hâi Tâi tâng kuăn pơlê kring vế, gak ngăn Tơnêi têa lơ 19/8, mê pơla hdrối kố nah, mâu kong pơlê, tơring, cheăm a kơpong Tây Nguyên hiăng tơkŭm po hâi leh “Tâi tâng kuăn pơlê veăng kring vế, gak ngăn Tơnêi têa hơnăm 2023”. Ing mê, mơhnhôk tuăn hiâm dêi rêm ngế kơhnâ khât tung veăng mơjiâng ƀă kring vế tơdroăng rêh ối tơniăn, hơniâp ro.

VOV4.Xơ Đăng - Kơxo lơ 15/8, a Tíu pêi cheăng Kăn xiâm, pôa Võ Văn Thưởng, Kăn xiâm hnê ngăn tơnêi têa tơdah jâ Samina Naz, Kăn teăng mâ pôu râng tâi tâng hnoăng kong têa Bangladesh troh koh pơlâng mơgêi hnoăng cheăng a Việt Nam.

VOV4.Xơ Đăng - Pôa Phan Văn Giang, Đăi tươ̆ng, Kăn cheăng tung Khu xiâm kal kí, Kăn phŏ pơkuâ cheăng Đảng Khu lêng xiâm tơnêi têa, Ngế xiâm pơkuâ mô đô̆i pơkuâ djâ khu râ kăn teăng mâ râ xiâm Khu xiâm pơkuâ mô đô̆i Việt Nam veăng leh pơxiâm po Hneăng hôp tơpui tơno Kih thuât – Cheăng lêng lâp plâi tơnêi 2023 (Army 2023).

VOV4.Xơ Đăng - Kơxo lơ 15/8, pôa Phạm Minh Chính, Ngế pro xiâm hnê ngăn Chin phuh séa ngăn tơdroăng cheăng ‘mâi rơnêu pro tiô rơnó hngêi ‘măn poăng  pôa Hồ Chí Minh, Kăn xiâm hnê ngăn tơnêi têa ki apoăng ƀă mơgêi tơdroăng cheăng pêi 6 khế apoăng hơnăm 2023 dêi Khu Rak ngăn hngêi ‘măn poăng Hồ Chí Minh, Kăn xiâm hnê ngăn tơnêi têa apoăng.

VOV4.Xơ Đăng - Hâi lơ 15/8, Vi ƀan pơkuâ Kuô̆k hô̆i mơdoh môi hâi pêi cheăng tơdroăng tơkŭm po roh kơ-êng ƀă tiâ rơkong kơ-êng ƀă 2 khu tơdroăng ối tung kơvâ hnoăng cheăng dêi Khu xiâm pơkuâ hnê arak luât, Khu xiâm pơkuâ ‘na pêi chiâk deăng ƀă mơnhông thôn pơlê.