VOV4.Sêdang - Pơxiâm pêi cheăng vâ chê chât hơnăm la hngêi trăng, troăng klông xuân tá hâi klêi, mê cho tơdroăng ki a 2 kơpong cheăng [ă kơmăi kơmok Phú Hội [ă Lộc Sơn dêi kong pơlê Lâm Đồng dế hlo ai nôkố. Tơdroăng ki ai khât kố dế pro tơdjâk hên troh cheăng kâ dêi mâu khu mơdró kâ a kố, troh ki châ tơ-[rê krếo thế ‘no liăn cheăng [ă tơdjâk ‘mêi trong kong prâi kơpong ki achê.

VOV4.Sêdang - Phon rơvât ôh tá dâi pơtối hlo ai nếo a kong pơlê Dak Nông [ă hiăng châ mơhno nhên tung mâu hâi hôp. Ki păng ‘nâng a cheăm Nhân Cơ, tơring Dak Rlâp, ai hên kuăn pơlê hiăng tô tuăn drêng tro rôe mâu phon ki kố, vâ mơdrếo, khu mơdró bú mơdrếo liăn tơdế. Hnoăng pơkuâ ngăn cheăng dêi khu mơdró phon rơvât a Dak Nông dế hlo hên tơdroăng ki dế tá hâi teăm tơniăn.

VOV4.Sêdang - A kong pơlê Lâm Đồng dế ối trâm hên tơdroăng ki tá hâi châ ‘nâi ple\ng nhên tung pơkuâ rák [ă xúa tơnêi, mê cho tơdroăng ki kong pơlê khoh chiâng pơkâ ăm phêp mơjiâng tối inâi ‘’Tơnêi ki ôh tá xê pêt loăng’’, ôh tá ai pơkâ tung Luât tơnêi tơníu. Tơnêi ôh tá xê pêt mơjiâng loăng, la ôh tá châ tối cho tơnêi pêi chiâk pêi deăng, xua mê, ôh tá châ bruô ph^u rak xúa tơnêi, hiăng pro hên rơpo\ng kuăn pơlê, tung mê, ki hên cho hdroâng mơngế kuăn ngo ki ối trâm hên pá puât tung pêi pêt kế tơmeăm lơ vâ tê mơdró dêi tơmeăm pêi lo.

VOV4.Sêdang - Tơdroăng ‘no têa ‘mêi a mâu tíu khăm pơlât dêi kong pơlê Gia Lai hlo rế ó khât. Ki rơhêng vâ tối, maluâ tơdroăng ki pro ‘mêi hiăng châ kơvâ cheăng ai tơdjâk troh hnê tối la ôh tá hlo tơ-[rê klâi mê nếo rế hía rế hlo ‘mêi tâ. Ai tíu ‘nâ, tung pơla hngêi kơmăi ki ‘no tah têa ‘mêi, la têa ‘mêi ki ‘no ing mâu tíu khăm pơlât xuân hlo ‘no tah hmâng vâ tung kơdâm tơnêi. Công Bắc, ngế chêh hlá tơbeăng ai chêh tối tơdroăng ki ai khât kố, pó kô tơmâng.

VOV4.Sêdang - Xuân môi tiah mâu kong pơlê ki ê tung lâp tơnêi têa, tơdroăng tong chiâ hrik xo prêi, hmốu ôh tá tro luât a kong pơlê Gia Lai hiăng thăm rế ó ‘nâng. Ai hên mâu ngế ki chiâ xo prêi ôh tá bê xâu ki klâi, pro tơdjâk troh tơnêi tơníu, têa kroăng, kong kế, ngo ngối, mê khoh chiâng tơ’noh tơhnâp [ă pro kuăn pơlê chiâng tô tuăn.

VOV4.Sêdang - Sap ing klêi kơ’nâi tơlo liăn, hên khu tê mơdró a kong pơlê Gia Lai hiăng mơ-eăm pêi rơdêi, mơnhên tơdroăng ki châ tơ-[rê drêng hbrâ pêi xêh. Tung mê, Ko\ng ti tơlo liăn cheăng Gia Lai CTC cho má môi. Ing khu ki mơ’no um xi-nê dêi kong pơlê Gia Lai – Kon Tum, klêi kơ’nâi tơlo liăn, Ko\ng ti hiăng ai mâu tơdroăng hơ’lêh ton xo\n. Tâi tâng kơvâ cheăng [a\ tíu tê mơdró pơrá châ po rơdâ, chiâng ko\ng ti tê mơdró ôm hyô, hngêi ăm tơmối kâ koi ối pơtê ki má môi a Gia Lai, ai mâu hngêi tê kơxop mơ-éa a hên kong pơlê, pơlê kong kơdrâm, pơlê kong kân. {ai chêh kơ’nâi kố, ai tơbleăng ‘na mâu tơdroăng pêi cheăng dêi Ko\ng ti tơlo liăn cheăng Gia Lai CTC klêi kơ’nâi tơlo liăn.

VOV4.Sêdang - Cho tíu ki pêt mơjiâng báu hên má môi dêi kong pơlê Dak Lak, tơring Krông Ana ai hên mâu hngêi kơmăi uâ báu, tơku\m hên cho a pơlê kân {uôn Trăp. Tơdroăng ki rơhêng vâ tối akố, mâu hngêi kơmăi mê po tung dế pơlê ối, thăm nếo a chê hngêi trung, ‘no hên mâu mơnoh lo pá kong pro ‘mêi ăm tơdroăng rêh ối, pêi cheăng dêi mâu rơpo\ng hngêi; tơdroăng ki hriâm tâp dêi mâu hok tro. Tơdroăng ki pro ‘mêi mê hiăng ton châ to lâi hơnăm kố la khu kăn pơkuâ tá hâi ai troăng hơlâ ki vâ mơdât lơ tơleăng phak.

VOV4.Sêdang - Vêh pêt nếo kơphế cho hnoăng cheăng ki kal vâ kum ăm tơdroăng pêi kơphế tơniăn ton, cho plâi ki xiâm vâ kum mơnhông cheăng kâ ăm kơpong Tây Nguyên. Tơnêi têa xuân hiăng ai troăng hơlâ ăm mung liăn ki oh tá mơdrếo liăn laih hên [ă pơkâ thế tah lôi mâu tơdroăng ki pá puât ăm cheăng vêh pêt kơphế, la xua ối trâm hên tơdroăng ki tơvâ tơvân, troh nôkố kuăn pơlê [ă khu mơdró kâ xuân tá hâi teăm châ mung liăn vâ pêi kâ. Công Bắc, Ngế chêh hlá tơbeăng ai mơnhên tối ‘na tơdroăng mê: