VOV4.Bahnar - Sơnăm 2019, Đă [o\ng lo\ng tơplo\ng kơdau Việt Nam đei m^nh sơnăm SEA Games jơnei hlo\h lơ\m chăl er^h; Khu\l Đă [o\ng lo\ng Việt dơ\ng hơlau lơ\m Đông Nam Á vă yak tru\h an^h pơlong să glo\h dơ\ng … Dôm tơdrong đei jơnei đă [o\ng lo\ng tơplo\ng kơdau sơnăm 2019 hlôi pơm ăn jơhngơ\m hưch hanh hơmanh bơnê kơ kon pơlei lơ\m te\h đak.

Khu\l đă [o\ng lo\ng tơplo\ng kơdau Việt Nam io\k đei jơnei t^h tên lơ\m ‘măng pơlog SEA Games 30

Io\k đei 98 Mê đai măioh, 85 Mê đai hu păng 105 Mê đai kong, dơ\ng mă 2 lơ\m khu\l io\k đei lơ mê đai, Khu\l đă [o\ng lo\ng tơplo\ng kơdau Việt Nam hlôi đei pơyan SEA Games jơnei kơtang. Tơdrong jơnei au sa roi t^h tên hlo\h dơ\ng mư\h ‘măng blu\ng pơ đ^ [ar khu\l đă [o\ng lo\ng U22 dro\ nglo păng dro\ kăn Te\h đak io\k đei jơnei. Kiơ\ đơ\ng ro\ng ‘no\h dôm hơyak pran kơtang kơ rim tơdrong pơlong Olympic nhen: Kơdau, glơi, tơglơ\m, te\h tennes … Hlôi tơgu\m ăn Khu\l đă [o\ng lo\ng tơplo\ng kơdau Việt Nam ‘măng mă blu\ng yak hlo\h Thái Lan lơ\m ako\p io\k đei mê đai mưh SEA Games đei pơgơ\r tơ\ te\h đak đe. SEA Games 30 jei tơbăt hơdăh hơyak ‘nao mư\h Việt Nam đei sơng io\k hla kơ che\p pơgơ\r SEA Games ‘măng mă 31 sơnăm 2021. ‘Nau ‘măng mă 2 đơ\ng ro\ng sơnăm 2003, te\h đak bơ\n io\k dơ\ng jing tơngla kơ năr pơm le#h đă [o\ng lo\ng tơplo\ng kơdau t^h hlo\h lơ\m tơring.

Khu\l dro\ nglo đă [o\ng lo\ng io\k đei hơpơi Maih SEA Games păng pơlong tôch hơ iă tơ\ ASIAN Cup 2019 atu\m ‘măng pơlong pơjei mă [ar World Cup 2022 tơring châu Á.

Hơpơi ‘me\h vă io\k đei Măih pơdui đunh tru\h 60 sơnăm kơ Khu\l dă [o\ng lo\ng Việt Nam tru\h po đơ\ng ro\ng jei hlôi io\k đei tơpă mư\h khul đă [o\ng lo\ng U22 dro\ nglo te\h đak đei to\k dơ\ng hơlau tơ\ SEA Games 30 lơ\m groi te\h kơ te\h đak Philipines. Lăp le# hơto\ d^h băl lơ\m m^nh ‘măng pơlong hăm Khu\l U22 Thái Lan tơ\ ‘măng pơlong pơjei d^h băl lơ\m khu\l, [ok thây ho\k tro Bơngai pơhra\m che\p pơgơ\r đă [o\ng lo\ng Park Hang Seo hlôi đei ‘măng iung yak pran kơ jăp iăp kơtang hlo\h vă pơjing đei hơyak pran kơtang ‘nao ăn khu\l đă [o\ng lo\ng te\h đak.

Tơ\ găh Khu\l đă [o\ng lo\ng Te\h đak, khu\l đă [o\ng lo\ng Việt Nam jei đei m^nh sơnăm pơlong tôch hơ iă păng jơnei t^h tên. Lơ\m khei 1, j^ lăp đơ\ng io\k đei jơnei AFF Cup,khu\l Việt Nam ‘măng mă 2 yak mơ\t tru\h lơ\m ‘măng pơlong tuch luch ASIAN Cup. Păng pơtôch sơnăm 2019, khu\l đă [o\g lo\ng kơ [ok thây Park Hang Seo pơtho to\k bo\k dơ\ng hơlau lơ\m grup G ‘măng pơlong pơjei d^h băl lơ\m khu\l châu Á hăm io\k jơnei ‘lơ\ng hơ iă hlo\h.

Đă [o\ng lo\ng khu\l dro\ kăn Việt Nam io\k đei jơnei 6 ‘măng pran kơtang SEA Games

Đă hăm Thái Lan sa 1-0 lơ\m ‘măng đă tuch luch SEA Games 30, khu\l dro\ kăn Việt Nam pơjing đei jơnei lơ hlo\h ‘nao – 6 ‘măng io\k jơnei SEA Games. Hơdrol kơ ‘no\h, lơ\m khei 8/2019, kơtă tơ\ te\h đak Thái Lan, [ok thây ho\k tro bơngai vei lăng Khu\l đă [o\ng lo\ng Mai Đức Chung jei hlôi sa khu\l tơngla hnam 1-0 vă io\k đei jơnei Đông Nam Á. Sơkơ\t hơdăh dơ\ng găh ro\ng, mă lei g^t kăl hlo\h, jơnei lơ\m ‘măng đă tuch luch SEA Games 30 hlôi tơgu\m ăn rim hơdru\h đă [o\ng lo\ng Việt Nam sơng io\k đei tơdrong lăng ba, tơmơ\t jên jang lơ đơ\ng tơpôl vă tơ pă ato\k tơ iung kơ jăp, lăng tru\h trong iung jang kơtang hlo\h dơ\ng – Io\k đei gơ\h vang năm pơlog World Cup.

Nguyễn Huy Hoàng – Bơngai pơlong glơi mă blu\ng kơ Việt Nam io\k đei jơnei g^t kăl hlo\h vang năm pơlong Olympic 2020

Tơ\ ‘măng pơlong apu\ng ple\nh te\h glơi đak sơnăm 2019 đei pơgơ\r tơ\ te\h đak Hàn Quốc, bơngai glơi Nguyễn Huy Hoàng j^ bơngai mă 15 glơi tru\h hơdrol lơ\m glơi hơtăih 800 met. Mă đơ\ng ư\h kơ io\k đei jơnei pơlong mă hơtuch, mă lei Nguyễn Huy Hoàng hlôi io\k đei jơnei pran A vă đei jing bơngai glơi Việt Nam blu\ng a đei ve\ mơ\t vang pơlong ‘Măng pơlong pơyan Hè Olympic Tokyo 2020. Sơnăm 2019 jei jing sơnăm ‘măng pơlong kơ bơngai glơi đak 19 sơnăm io\k đei 2 Mê đai măih, 2 Mê đai hu, 2 Mê đai kong tơ\ SEA Games 30 adoi io\k đei ve\ mơ\t pơlong Olympic 2020 pơ đ^ 2 tơdrong glơi 800m, 1.500m khul dro\ nglo. Dôm tơdrong jơnei au hlôi tơgu\m ăn Nguyễn Huy Hoàng jing Bơngai glơi pran kơtang gơh hơgei hlo\h lơ\m sơnăm 2019 kơ khu\l Đă [o\ng lo\ng tơplo\ng kơdau.

Bơngai jo jăn hyo\ng pran Lê Văn Công te\ch mê đai măih, pôk ăn bơngai j^ ôm se\ch lăm

Ư|h khan lăp io\k đei jơnei pran kơtang lơ\m tơplo\ng kơdau, Bơngai đă [o\ng lo\ng tơplo\ng kơdau oei đei [e\nh [ang jơhngơ\m đon ‘mêm kơ eng d^h băl. Bơngai jo jăn hyo\ng pran Lê Văn Công te\ch mê đai World Cup, găh tơdrong pơlong hyo\ng tă, io\k đei 125 tr^u hlak jên păng pơ đ^ jên au sư pôk ăn kơ o\h Đoàn Thị Bích Hương to\k bo\k j^ ôm se\ch lăm, đơ\ng au vă tơgu\m ăn bơngai ho\k tro dro\ kăn ke\ tơ jră tang găn [iơ\ hăm tơdrong j^ jăn kơne# mă po to\k bo\k tơpo\h j^.

Khu\l đă [o\ng lo\ng Hà Nội io\k đei jơnei [ar ‘măng hơnơ\ng lơ\m te\h đak păng iung yak kơtang lơ\m pơlong AFC Cup 2019

Khu\l đă [o\ng lo\ng Hà Nội ư\h kơ đei khu\l ayơ ke\ đă hăm sư lơ\m rim ‘măng pơlong lơ\m te\h đak. Adoi lơ\m ‘măng pơlong châu Á, Khu\l đă [o\ng lo\ng Hà Nội hlôi yak mơ\t đă tru\h ‘măng mă hơtuch. Mă lei tơdrong tôch hmach ‘no\h mă đơ\ng io\k đei jơnei [ar ‘măng tơtil lơ\m te\h đak, ‘no\h io\k đei jơnei ‘măng pơlong V-League păng Ku\p te\h đak, mă lei Khu\l đă [o\ng lo\ng Hà Nội jei ư\h kơ đei tôm rơvơn vang pơlong đă pơjei d^h băl AFC Cup pơyan kơnh, kơ yuơ ư\h kơ vang pơlong rim ‘măng pơlong khu\l mơlo#h lơ\m te\h đak, kiơ\ tơdrong pơkăp kơ AFC.

Lê Quang Liêm io\k đei jơnei cờ vua châu Á

‘Măng mă blu\ng tơ\ m^nh ‘măng pơlong bơngai dro\ nglo te\h đak bơ\n io\k đei jơnei tơ\ ‘măng pơlong châu Á. Pơlong ‘măng mă blu\ng ư\h gan lăp đon, mă lei roi đunh Lê Quang Liêm sa roi hơgei, ke\ jei sư lơ\m ‘măng pơlong hăm bơngai tôch hơgei kơ Ấn Độ ‘no\h Sethuraman, vă io\k đei tơmam hơpăh jơnei.

Rơnglă bơngai đă [o\ng lo\ng tơplo\ng kơdau Việt Nam pơlong tơ\ te\h đak đe, tru\h hloi tơ\ châu Âu

Ư|h pă khan lăp hơdro# hơdrăn, tơdrong bơngai đă [o\ng lo\ng tơplo\ng kơdau Việt Nam năm pơlong tơ\ te\h đak đe hlôi jing joăt joe, pơjing ăn ato\k jơhngơ\m đon pran kơtang, gơ\h hơgei, đei io\k yua kơ jăp. Ư|h khan “pơtru\h” dôm bơngai đă [o\ng lo\ng tơplo\ng kơdau năm tơ\ rim te\h đak Thái Lan, Nhật Bản păng Hàn Quốc, bơngai đă [o\ng lo\ng tơpl\ng kơdau Việt Nam oei năm tru\h hloi tơ\ châu Âu, mă kăl ‘no\h nhen Nguyễn Công Phượng năm tơ\ Bỉ păng Đoàn Văn Hậu vang mơ\t lơ\m khu\l đă [o\ng lo\ng te\h đak Hà Lan.

Tennis Việt Nam ‘măng mă blu\ng io\k đei mê đai măih tơ\ ‘măng pơlong Đông Nam Á

Adoi nhen khu\l đă [o\ng lo\ng dro\ nglo, khu\l te\h tennis Việt Nam ‘măng mă blu\ng lơ\m chăl er^h io\k đei Mê đai măih tơ\ SEA Games. Đei ‘măng, lơ\m ‘măng pơlong tuch luch ‘no\h j^ ‘măng pơlong tơdoă kơ 2 ‘nu bơngai pơlong găh Việt Nam ngăl ‘noh: Lý Hoàng Nam hăm Daniel Nguyễn, hăm io\k đei jơnei găh Lý Hoàng Nam.

U|nh sênhal tơ\ an^h cham đă [o\ng lo\ng păng jơhngơ\m tơtăm hooligan lơ\m đă [o\ng lo\ng lơ\m te\h đak

Đơ\ng lơ\m kơ toei, u\nh sênhal lơ\m rim cham đă [o\ng lo\ng ư\h kơ đei xek tơlang kơ hret to\k bo\k pơm ăn roi năr roi kơtang. Hlôi đei bơngai rơka măh chơ ba ming hơmet tơ\ hnam pơgang păng hlôi pơm ăn đei tơdrong kơne# lơ\m ‘măng pơlong đă [o\ng lo\ng kơ yuơ đơ\ng u\nh sênhal. Tơdăh ư\h sek tơlang kơ hret hăm tơdrong au đơ\ng dang ei hloi, [o\ng đă Việt Nam gô đei [o#h hloi dôm khu\l joăt chă phă pơra\m ‘moi kiơ\ đă [o\ng lo\ng, pơm ăn khu\l bơ\ jang găh tơdrong au j^ kơl, um rup kơ te\h đak păng kon bơngai pơma atu\m kơ te\h đak đei đe lăng ư\h kơ ‘lơ\ng.

Tơblơ\ nơ\r: Amazưt