Pêng ứng dụng đei tơmât yoa âu đei: Phần mềm Hnam hôp ưh đei hla ar; ứng dụng Anih jang rơgei – Kon pơlei yoa kơmăy sô̆ lơ̆m kơmăy iOS păng kơmăy vei lăng hla ar chih, kơmăy eOffice (đei hơmet pơ ‘lơ̆ng). Lơ̆m noh, phần mềm Hnam hôp ưh đei hla ar chih gơ̆h asong iŏk yoa, pơih lăng păng vei lăng rim hla ar, nơ̆r pơma kăl lơ̆m hop akŏm kŭm nhen rim tơdrong pơgơ̆r jang lơ̆m kơmăy.

Rim tơdrong lơ̆m hop akŏm đei hyup iŏk nơ̆r pơma păng chih hơtŏk lơ̆m kơmăy, tơgŭm 'mơ 'met ƀiơ̆ jơnăr, hơtok tơdrong rơđăh rơđong păng ƀônh hiôk mưh hơlen năng. Ứng dụng Anih jang rơgei – Kon pơlei yoa kơmăy sô̆ chih tơmât rim tơdrong kăl nhen jên tơlĕch jang đơ̆ng teh đak, jên jang đơ̆ng 'ngoăih, tơdrong thu mong, tơlĕch jên jang kơ teh đak… pơvih ăn tơdrong vei lăng, pơgơ̆r jang đơ̆ng đe kơdră chĕp kơ̆l dêh char. Kơplăh 'nŏh, kơmăy eOffice hơnơ̆ng đei hơmet pơ 'lơ̆ng vă pơvih roi 'lơ̆ng ƀiơ̆ ăn tơdrong vei lăng hla ar đe gơih truh, hla ar gơih ăn kơ đe păng chư kĭ sô̆.