VOV4.Bahnar - Dơnŏ anih mong jên tơgŭm djru Tơpôl ‘nao tơbăt, jang kiơ̆ tơnô̆ tơgŭm djru 26.000 ti hlak jên đơ̆ng Khŭl kơdră tĕh đak, (lơ̆m au hơdrô̆ hơnĭh mong jên chĭu pŭ tơlĕch ăn 7.500 ti hlak jên) trŭh dang ei, Dơnŏ anĭh mong jên hlôi sơng iŏk đei hla bơar pơm keh đang đơ̆ng 13 hơnĭh mơdro sa lơ̆m dêh char Bắc Giang hăm ‘mĕh vă tŏk iŏk 44 ti hlak jên vă kla jên khei ăn 13.000 ‘nu bơngai jang. Lơ̆m kơsô̆ au, Dơnŏ anih mong jên tơgum djru Tơpôl dêh char Bắc Giang hlôi kĭ tơchơ̆t hla bơar kơ 4 hơnĭh mơdro sa, tŏk iŏk kon jên 21 ti hlak jên vă kla jên khei kơ khei 7 ăn hlŏh 6.000 ‘nu bơngai jang.Lơ̆m năr 28/7 đei dơ̆ng 10 tơring kĭ tơchơ̆t hla bơar apĭnh tŏk iŏk jên đơ̆ng 39 tơngla hơvơ̆h đe jang hăm akŏp kon jên ăn tŏk iŏk ‘nŏh 43 ti hlak jên. ‘Ngoăih ăn tŏk iŏk vă kla jên khei ăn bơngai jang đei pơdơ̆h jang kơ yuơ đei ƀơm kơnê̆ đơ̆ng jĭ hơbuh Covid-19, hơnĭh mơdro sa uơ oei đei tŏk iŏk vă hơmet ming pơm tơlĕch, tĕch mơdro tơmam drăm.

Tơblơ̆ nơ̆r: Amazưt