Hơnih jang Kanh sat dăr hơlen hlôi tơkêng hăm Thiê̆u tă so Nguyễn Quang Hoàng gah tơdrong yoch ưh đei tơgŭm dŏng bơngai tŏk bŏk oei ƀơm hli hlơt gah tơdrong hơrih. Hơdrol kơ noh, ah 'năr dơ̆ng năr 15/4, rok kiơ̆ jăl trong 29 jăl găn xah Cư Pơng, oh V.Đ.Q (18 sơnăm) vơ̆r gre honđa kơdou hrĕnh, pơ̆k ah thong pơchoh đak păng lôch hơchăng.

Đơ̆ng tơdrong hơlen đei ƀôh, ah đei sar bar ou, Hoàng vơ̆r gre mô tô kiơ̆ druh bơngai sar bar. Ah ƀôh hŏk tro ou ƀơm sar bar, noh ưh đei jur tơgŭm dŏng mă veh gre tơ̆ rŏng kơdou jăk. Dang ei thiê̆u tă Nguyễn Quang Hoàng hlôi ƀơm đe sut lê̆ hơnăn Kŏng ang Kon pơlei, athei pơdơh jang păng pơdơh akŏm jang đảng vă chă dăr hơlen tơdrong đei.