Bơnê kơ tơdrong tơbôl 2 teh đak đei hơtŏk 'lơ̆ng hơ-iă, Thủ tướng pơtruh nơ̆r hơtŏk hloh dơ̆ng tơdrong asong khul kơpal hơpeh hơpong dih băl, vă hơtŏk đon lui gah chinh trĭ păng hơtŏk jang hơdoi kăp gĭt gah mŭk drăm, tĕch pơdro, asong jang, hơdrin hơtŏk tơmam drăm tĕch răt kơ 2 teh đak. Ră hơdah Estonia đei tơdrong pran gah kŏng ngê̆, kơ̆l 'ngok 'nao hơgei păng tơplih kơmăi kơsô̆, Thủ tướng Lê Minh Hưng pơtruh nơ̆r hăm gah buăl tơroi dih băl tơdrong hlôh vao, tơgŭm pơtho gah kơmăi kơmŏk hơgei, tơgop hơtŏk pơyua păng tơdrong tơgar jang kơ mŭk drăm Việt Nam.

Ƀô̆ trương Margus Tsahkna sơkơ̆t hơdah Estonia lăng tơgĭt tơdrong jang tơbôl hăm Việt Nam, lăng Việt Nam jĭ teh đak jang hơdoi kăp gĭt tơ̆ Đông Nam Á, atŭm hăm noh 'meh vă pơih să jang hơdoi, mă kăl noh pơtho bơngai jang hơgei lơ̆m dôm tơdrong jang kŏng ngê̆ thŏng tin, mŭk drăm kơsô̆ păng kơ̆l 'ngok hơgei 'nao.