Hop akom đei pơgơ̆r kơtă atŭm hăm trư̆k tuyên hăm vang hop akom đơ̆ng hloh 20.000 ‘nu kang ƀô̆, bơngai jang Hơnih bơ̆ jang Dăr lăng Đảng tơ̆ 3.466 hơnih pơdăh tơ̆ rim dêh char, pơlei tơm păng tơring, phương, tơring kăl lơ̆m teh đak. Pơma pơtôch hop akom, ƀok Trần Tiến Hưng, Kơ iĕng kơdră chĕp pơgơ̆r Hơnih bơ̆ jang Dăr lăng Trung ương athei Hơnih bơ̆ jang dăr kăng rim kâp tĕnh koăng iung jang pơchoh trong ăn khul kơdră chĕp pơgơ̆r Đảng lơ̆m kâp tơ iung pơjing Tơdrong iung jang, trong pơprŏ jang hơdăh, trŏ lăp năm tơdrong jang păng tơdrong đei ƀôh yan ou kơ tơring, hơnih jang. Dôm trong jang, trong pơprŏ jang kăl sơđơ̆ng hơdăh trŏ hăm hăm dôm tơdrong đei kơ tơring, hơnih jang, hơdăh jơ ‘năr jang keh đang, hơdăh găh hơnăp jang, khul jang păng jang keh đang dang yơ; tơklep hăm jang keh đang jang kiơ̆ Tơdrong tơchơ̆t kơsô̆ 05 hăm kiêm điêm, lăng hơlen khul kơdră chĕp pơgơ̆r đảng, kơdră chĕp pơgơ̆r tơring, hơnih jang păng bơngai chĕp kơ̆l kiơ̆ tơdrong tơchơ̆t.