Kiơ̆ tơroi tơbăt, jăl jang 2021–2025, lơ̆m dêh char Đắk Lắk đei 2.460 tơdrong jang iŏk yua jên jang teh đak, lơ̆m noh 1.579 tơdrong jang tam mă đei dăr hơlen, hơlen lăng, jô̆ hơlen lăng; 141 tơdrong jang tơƀơ̆p pơmat tat, tơhlăk tơhlĭn, hiơ̆ kơ jang pơdui đunh. Ƀok Lương Nguyễn Minh Triết, Bí thư Anih jang Đảng dêh char Đắk Lắk athei dăr hơlen pơđĭ, klăih song rơđăh rim grŭp tơdrong jang, jang đang hơdrol kơ ‘năr 15/5; hơdai hăm pơm rơđăh hơnăp jang rim khŭl tơpôl, rim bơngai, tơklep hăm hơlen lăng kang ƀô̆.

Dêh char Đắk Lắk gô pơjing dôm grŭp bơ̆jang yua đơ̆ng Kơdră Anih vei lăng kon pơlei dêh char kơtă vei lăng, răp hơlen lăng, hơmet pơ ‘lơ̆ng rim tơdrong jang, vei sơđơ̆ng ưh kơ hơdrom băl păng hơmet pơ ‘lơ̆ng pơtôch dôm tơdrong oei đei. Tơdrong hơmet pơ ‘lơ̆ng athei tơklep hăm dăr hơlen, hơlen lăng, pơtôch pơm glăi hai, hơmet pơ ‘lơ̆ng vă tơmơ̆t tơdrong jang lơ̆m bơ̆jang hai.