VOV4.Bahnar – Pơgê năr 2/6, tơ̆ Hà Nội, Jơnŭm châ̆m hơlen Hơpăh Ƀăo chĭ Kuôk ya 'măng 15 xơnăm 2020 pơtơm 'măng châ̆m hơlen dôm tak phẩm ƀăo chĭ. Vang năm pơlong xơnăm âu đei 114 anih jang păng 190 bơngai tơgŭm jang, pơlong 11 kơloăi hơpăh kiơ̆ tơchơ̆t. Hăm 1.823 tak phẩm tôm pơkăp pơlong. 'Nâu jing xơnăm đei lơ tak phẩm pơtruh pơlong hloh đơ̆ng xơ̆ truh dang ei. Lơ̆m năr 2 păng năr 3/6, Jơnŭm Châ̆m hơlen Hơpăh Ƀăo chĭ Kuôk ya gô rơih đơ̆ng 151 tak phẩm rơgei hloh vă pôk hơpăh. Kiơ̆ kơ ƀok Thuận Hữu, Kơdră Jơnŭm chih Ƀăo Việt Nam, tơdrong tơm kơ dôm tak phẩm chih pơlong xơnăm âu hlôi tơrĕk tơjê̆ hăm tơdrong tih đơ̆ng mŭk drăm, chĭnh trĭ, joh ayŏ, tơpôl. Mă kăl, tơroi truh dôm tơdrong Hop akŏm Đảng dôm jăl, Hop akŏm 13 kơ Đảng, tơdrong jang tang găn păng tơjră pơrang jĭ Covid-19; Tơdrong jang tang găn păng tơjră xa pơjĭp, huach kư̆ kă, pơm kơnê̆ pơtoi đei tơroi hơdăh, tơtom hloh. Lơ tak phẩm đei chih tơbang tơnăp kăp gĭt găh tơpôl, đei tơrĕk truh tơdrong erih, đei dôm anih jang kơpal chih iŏk, hơlen, xek tơlang.

Lan chih păng pơre nơ̆r