VOV4.Bahnar – Lơ\m dôm sơ năm âu ki, tơ drong jang Đoàn păng tơ drong jang dru\h dăm tơ\ Ko\ng an de#h char Kon Tum đei tơ pl^h ‘lơ\ng lơ, roi ‘năr roi sơng lơ đoàn viên, dru\h dăm pơ nam vang jang păng jing 1 tơ drong ‘lơ\ng lơ\m tơ drong jang iung jang tơ gu\m yua kơ tơ drong ar^h sa tơ pôl kơ tơ ring. ‘Nao âu 1 tơ drong jang ‘nao ‘lơ\ng đei hơ năn: Tơ drong jang tơ pă “24 jơ vă kơ băt” yua đơ\ng Đoàn dru\h dăm ko\ng an de#h char tơ le\ch jang tru\h tơ\ rim chi đoàn hlôi io\k đei tơ drong tơ gu\m tơ năp đơ\ng đoàn viên dru\h dăm. Vang jang tơ drong jang vă hơ băt âu, rim đe buăl mơ lo#h đei vang so\ng sa, vang oei hơ dai, vang bơ\ jang hăm 1 u\nh hnam, đơ\ng no\h roi hlo#h păng tơ klep hăm kon pơ lei dơ\ng.

J^ u\nh hnam đei Chi đoàn pơ jing khu\l linh Ko\ng an de#h char Kon Tum rơ\ih io\k jang kiơ\ tơ drong jang tơ pă yan âu “ 24 jơ vă kơ băt” ‘nao âu, mo\ Y Blỡi oei tơ\ plei Kon Tu 1, xăh Đắc Blà, pơ lei tơm Kon Tum, pă đei gơ\h ôn tơ drong chhôk hơ iă. Mo\ akhan, tam mă đei lơ yơ hnam sư lơ bơ ngai thoi no\h, [e\nh nơ\r pơ ma hơ hie\k chơt hơ iă dơ\ng. U|nh hnam mo\ Y Blỡi găh u\nh hnam dơ nu\h hin, klo lôch ro#ih lơ\m 1 ‘măng xar bar; 2 ‘nu kon ‘no\h jo po dơ\ng, u\nh hnam đ^ mơ mat ‘no\h roi mơ mat hlo\h dơ\ng. Kon mă 2 mo\ sơ năm ‘nâu đ^ 21 sơ năm mă lei kơ ke\ hơ kong dreng drao lăp [^ch kơ tă 1 hơ n^h hơ kâu jăn nhen hơ io\h 5 sơ năm đe\ch. Mo\ Y Blỡi ku\m đ^ lơ ‘măng hơ drin kơ dâu hơ met ăn kơ kon mă lei adoi ư\h kơ klăih… Mu\k drăm ư\h kơ đei, jơ hngơ\m jăn ku\m ư\h kơ đei, pơm ăn jum dăr hnam ‘nhe\t, râm re\k [e\nh hloi.  

Kiơ\ đơ\ng “24 jơ vă kơ băt”, đe buăl dru\h dăm Chi đoàn pơ jing khu\l linh Ko\ng an de#h char Kon Tum hlôi tơ gu\m u\nh hnam mo\ Y Blỡi hơ met ming hơ drong rơ mo, pơm rơ go\h an^h hnam oei, pơ tăm ‘nhot tơ\ pơ gar, hơ met ming dơ\ng cham păng pơ bu\ng hnam hiăh hiok. Lăng hnam nhen đei dơ\ng tơ drong ar^h ‘nao, mo\ Y Blỡi chơt hơ iă tơ roi: “Năr ‘nâu Chi đoàn pơ jing khu\l linh kơ Ko\ng an de#h char [o#h u\nh hnam mơ mat tat hlôi năm hơ met ming hnam ăn kơ ^nh. &nh ‘me\h vă đei lơ tơ drong jang thoi âu vă tơ gu\m kon pơ lei dă [iơ\ kơ mơ mat tat”.

Vang jang tơ drong jang tơ pă “ 24 jơ vă kơ băt”, rim đoàn viên dru\h dăm adoi đei atu\m hơ len lăng, ‘nâu j^ tơ drong jang ‘lơ\ng, tơ gu\m đe sư tơ klep hăm kon pơ lei păng đei tơ drong hiôk vă tơ [o#h jơ hngơ\m đon iung jang tơ gu\m yua kơ tơ drong ar^h sa tơ pôl. Trung úy Nguyễn Tuấn Linh, Bí thư Chi đoàn pơ jing khu\l linh – Ko\ng an de#h char Kon Tum, tơ roi tơ băt:“’Măng mă blu\ng vang jang tơ drong jang “ 24 jơ vă kơ băt” ^nh [o#h tơ drong jang âu tôch kơ hơ iă păng ‘lơ\ng. Tơ gu\m ăn kơ đoàn viên dru\h dăm kơ chi đoàn nhôn tơ je#, tơ klep hăm kon pơ lei hlo\h dơ\ng. Kiơ\ đơ\ng tơ drong jang âu nhôn băt đei tơ drong ar^h sa rim năr đơ\ng kon pơ lei kon kông. Kon pơ lei tơ\ âu tôch kơ mơ mat tat, đei tôch kơ lơ tơ drong ‘me\h vă kăl kơ tơ gu\m”.

Tơ drong jang tơ pă “ 24 jơ vă kơ băt” to\k bo\k roi ‘năr roi sơng đei lơ đoàn viên, dru\h dăm tơ\ rim Chi đoàn kơ Đoàn dru\h dăm Ko\ng an de#h char Kon Tum vang jang. Ku\m hăm tơ drong jang âu, rim tơ drong jang tơ gu\m yua kơ tơ drong ar^h sa tơ pôl đơ\ng Đoàn dru\h dăm Ko\ng an de#h char Kon Tum to\k bo\k pơm ‘lơ\ng dơ\ng um rup bơ ngai linh ko\ng an lơ\m jơ hngơ\m đon kon pơ lei tơ\ tơ ring.

Thuem tơ blơ\