Kiơ̆ tơdrong tơchơ̆t, Jơnŭm vei lăng kon pơlei pơjao ăn Hơnih vei lăng kon pơlei dêh char Khánh Hòa pơm hơnih gơh pơgơ̆r tơlĕch jang tơdrong vă jang kiơ̆ tơdrong tơchơ̆t. Dêh char Khánh Hòa gô vă proh hơmet ăn dang 1.500 ti hlak jên đơ̆ng kon jên tơmơ̆t jang teh đak jăl jang 2026–2030 vă iung jang hrŭ ăn, iŏk tơvih teh, tơgŭm djru păng pơjing hơnih oei ‘nao.

Tơdrong vă jang trong gre rĕnh Nha Trang – Đà Lạt (hăm akŏp kon jên tơmơ̆t jang hloh 25.000 ti hlak jên), jĭ tơdrong kăl hloh lơ̆m tơgoăt atŏk tơ iung ƀar păh dêh char Khánh Hòa hăm dêh char Lâm Đồng. Jăl trong gô pơjing dơ̆ng trong kăl tơƀưh dih băl tơring Tây Nguyên hăm Tơring tơmăn Nam Trung Bộ, atŏk kĕ yak kloh klĕch tơ̆ dơnŏk duk đak dơsĭ, hơnih tơm jang mŭk drăm păng rim hơnih tơmang pơhiơ̆..