Tơ̆ jơ pơm lêh, tang măt ăn Kơdră chĕp kơ̆l Đảng, Teh đak, Thủ tướng Lê Minh Hưng hlôi pơjao Hơnăn Khul linh tơblăh tang găn kơtang nuih mơng kơ kon pơlei hơpăh ăn Công an plt Hải Phòng. Pôk pơ ư, hơiă păng tơchĕng ‘lơ̆ng dôm tơdrong jơnei đơ̆ng Công an plt Hải Phòng, Thủ tướng pơma hơdăh, hơnăn Khul linh tơblăh kơtang nuih mơng kơ kon pơlei ưh lăp tơdrong hơiă hơdrô̆ kơ khul linh Công an plt Hải Phòng đĕch mă oei jing tơdrong hưch hanh tih đơ̆ng Đảng ƀô̆, khul kơdră pơgơ̆r, khul linh păng kon pơlei Hải Phòng hai.

Thủ tướng lui hăm tơdrong juăt kơtang nuih mơng, hơđơ̆ng jơhngâm găh chinh trĭ, tơplih ‘nao pran kươtang, gơ̆h hơgei păng đon pơhnŏng tôch pơneh, Công an plt Hải Phòng gô hơnơ̆ng jang đei lơ tơdrong jơnei ‘nao ‘lơ̆ng hlŏh dơ̆ng, jang đang ‘lơ̆ng rim tơdrong đei pơjao; tơgăl hăm hơnăn kăp gĭt jĭ Khul linh tơblăh kơtang nuih mơng kơ kon pơlei; yoa tơdrong jang tŏk hơnŭk hơnoa, gơ̆h hơgei, ‘lơ̆ng rŏ kơ plt Hải Phòng, kơ teh đak, yoa tơdrong hiôk chơt kơ kon pơlei.